Հարաբերություններում երբեմն խոսքերն իրոք ավելորդ են։ Իրոք ավելորդ են, հասկանում ես։ Իսկ հպումներդ կարող են ամեն ինչ ասել, խոսքերի փոխարեն։ Ահա թե ինչպես։
Ըստ Մինա Ազոդիի Երբ ցանկանում ես նրան հասկացնել, որ նա ցնցող Է…
Թփթփացրու նրա հետույքին։
Երբ թփթփացնում ես տղամարդու հետույքին, դա նույնն է, եթե նրան ասես. «Դո՜ւ ես իմ տղամարդը»։ «Հասունանալուն զուգահեռ՝ տղամարդիկ սովորում են, որ այս ժեստը հիացմունք և աջակցություն արտահայտելու ձև է»,– ասում է Գիվենսը։
Ապացո՞ւյցը։ Դիտեք թիմային սպորտաձևի ցանկացած խաղ և կնկատեք, որ մարզիկները և մարզիչները դա պարբերաբար անում են այն ժամանակ, երբ որևէ մարզիկ լավ խաղ է ցուցադրում։ «Դա է պատճառը, որ երբ դու այդպես դիպչում ես նրան, նա անմիջապես դա մեկնաբանում է որպես հավանության նշան»,– ասում է դոկտոր Դեյվիդ Վեքսլերը՝ Հարաբերությունների կերտման ինստիտուտի տնօրենը։
Ըստ վերջին գիտական հայտնագործությունների՝ ընդամենը հինգ վայրկյան տևող հպումը կարող է ավելի արագ և ավելի հստակ տեղ հասցնել քո ասելիքը, քան բառերը, մանավանդ, երբ ցանկանում ես որևէ էական բան հաղորդել զուգընկերոջդ կամ ամուսնուդ։
Գաղտնիք չէ, որ ցանկացած հարաբերության առանցքը միմյանց հետ ճիշտ հաղորդակցվելու կարողությունն է։ Բայց գուցե երբեք մտքովդ չի էլ անցել, որ միշտ չէ, որ զրուցելու կամ նույնիսկ ընդհանրապես խոսելու կարիք կա՝ ամուր հարաբերություններ ստեղծելու համար։ Այլընտրանք հաստատ կա. վերջերս կատարված մի հետազոտության համաձայն՝ մեկ արագ հպումը (ընդամենը հինգ վայրկյան) ունակ է արտահայտել այնպիսի զգացմունքներ, ինչպիսիք են երջանկությունը, սերը և զայրույթը։ «Հպումը մեր հաղորդակցման ամենապարզունակ ձևերից
է, սակայն այն նաև ամենաարդյունավետներից մեկն է,– բացատրում է դոկտոր Դևիդ Գիվենսը՝ Ոչ վերբալ հետազոտությունների կենտրոնի տնօրենը։ — Դա առաջին լեզուն է, որը սովորում ենք դեռ նորածին ժամանակ։ Այդ է պատճառը, որ արագ և բնազդաբար ենք հասկանում այն»։
Զույգերի համար սա հրաշալի նորություն է։ «Քանի որ տղամարդիկ ավելի քիչ են հակված խոսելու, քան կանայք, մեկ պարզ ժեստը կարող է ավելի մեծ ազդեցություն ունենալ սիրելիիդ վրա, քան երկարաշունչ զրույցը»,– ասում է Գիվենսը։ Ուրեմն շարունակիր կարդալ, որպեսզի բացահայտես, թե որ հպումներն են ունակ ամեն ինչի՝ սկսած քո տղամարդուն դեպրեսիվ տրամադրությունից հանելուց, վերջացրած լուրջ վեճի կանխմամբ։ Եվ այս ամենն՝ առանց ստիպված լինելու արտասանել այդ չորս սարսափելի բառերը՝ «Մենք պետք է խոսենք»…
Երբ պետք է ասես՝ կներես…
Ձգվիր և սեղմիր նրա ծունկը (մինչ երկուսդ էլ նստած եք)։
Նրա ծնկին դիպչելը, մինչ դու ներողություն ես խնդրում, նրան ստիպում է քո նկատմամբ կապվածություն զգալ, հետևաբար՝ նա առավել ընկալունակ է դառնում այն ամենի նկատմամբ, ինչ փորձում ես ասել։ «Ծունկը հպվելու համար ամենաբնական և թիվ 1 կետն է, քանի որ այն չեզոք տարածք է,– բացատրում է Գիվենսը։ — Դա նույնպիսի «ներխուժում» չէ, ինչպես նրա դեմքին կամ թևին ձեռք տալը կլիներ. այս դեպքում նա կտրուկ հետ չի մղվի, եթե նրան դա դուր չգա»։ Ավելին, երբ ձեռքդ պարզում ես՝ նրա ծնկին դիպչելու, մարմինդ պետք է մի փոքր առաջ թեքես։ «Սա հեզ կեցվածք է, որը նրա ուղեղին ենթագիտակցական ազդանշան է տալիս այն մասին, որ դու իսկապես զղջում ես և խնդրում ես ներել քեզ»,– ասում է Գիվենսը։ Եվ քանի որ դու (շատ նուրբ ձևով) «գլուխ ես խոնարհում» նրա առջև, դրանից նա ինքն իրեն արժևորված է զգում, հետևաբար՝ ավելի է հակված ներողամտության։
Երբ նա ճնշված է…
Մի թեթև քորիր նրա պարանոցը՝ մազերի գծի երկայնքով։
Այս շարժումը կատարյալ է որպես շոյանք։ Նախ՝ մատներդ սանրի պես նրա մազերի միջով տանելն ազդում է արական հիմնական բնազդների վրա։ «Փրինինգը հոգածության համատարած ժեստ է, որը զգացմունքներ արտահայտելու նպատակով օգտագործում են թե՛ թռչունները, թե՛ պրիմատները և թե՛ մարդիկ»,– ասում է Գիվենսը։
«Դա հոգատարության նշան է, որը քո տղամարդուն ապահովության և հանգստության զգացում է հաղորդում»։ Մեջքի մեծ մկանը նույնպես կապված է նրա ծոծրակի հետ։ «Սա այն հատվածն է, որում սովորաբար կուտակվում է մեր մարմնի ողջ լարվածությունն ու սթրեսը»,– ասում է դոկտոր Թիֆանի Ֆիլդը, ով Մայամիի համալսարանի Միլլերի բժշկության դպրոցում գործող Հպումների հետազոտական ինստիտուտի
տնօրենն է։ Հետևաբար՝ այն, ինչն այդ պահին ճնշում է քո սիրելիին, ծոծրակային ցավն է։ «Մեջքի մեծ մկանը շոյելն օգնում է նրան թուլանալ, հանգստանալ, ճիշտ այնպես, ինչպես մերսման դեպքում»,– պնդում է Ֆիլդը։
Երբ ուզում ես, որ նա, հակառակ իր ցանկության, որևէ բան անի…
Բռնիր նրա ձեռքերը և դրանց «աղոթքի» դիրք տուր, ապա ափերով ծածկիր։
Ձեռքերն այնպես պահելն՝ ասես դուք աղոթում եք, ուժ և իշխանություն է հաղորդում (սա մի ժեստ է, որը բարձրաստիճան ղեկավարները և քաղաքական գործիչները շատ հաճախ են օգտագործում ելույթ ունենալիս)։ «Նրա ձեռքերը քո ափերում ամփոփելով՝ դու ենթագիտակցական մակարդակով նրան ազդանշան ես տալիս, որ այս սցենարում դո՜ւ ես գլխավորը,– ասում է Ֆիլդը։ – Արդյունքում՝ քո խոսքերը նրա համար ավելի համոզիչ են դառնում, թեև նա ինքն էլ չի հասկանում, թե ինչու»։
Երբ նա զայրացած է, և դու պետք է մարես վեճը…
Ձեռքդ դիր նրա ուսին՝ արմունկդ բացված վիճակում։
Պատկերավոր ասած՝ սա հավասարազոր է վեճի ընթացքում «դադար» կոճակը սեղմելուն։ Հանգստացնող այս հպումն ի զորու է հանդարտեցնել նրան։ Ուսը իդեալական կետ է նման
պահերին հպվելու համար, քանի որ այն լավ պաշտպանված է մկանով և պակաս զգայուն է՝ մարմնի այնպիսի ավելի խոցելի մասերի համեմատ, ինչպիսիք են դեմքը և պարանոցը։
«Քո հպումը նրան կհանի լարված վիճակից՝ նրա զայրույթը մեկ աստիճանով նվազեցնելով»,– բացատրում է Գիվենսը։ Սակայն այս քայլը պետք է կիրառել այն ժամանակ, երբ վեճը դեռ նոր է սկսվում, այսինքն, երբ դեռ կրքերը չեն եռում։ «Հակառակ դեպքում սթրեսային հորմոնները, օրինակ՝ ադրենալինը և կորտիզոլը, կհասնեն մի այնպիսի կետի, որտեղ քո խաղաղարար ժեստն այլևս ոչ մի ազդեցութուն ունենալ չի կարող»,– ասում է Գիվենսը։
Երբ ցանկանում ես նրան հասկացնել, որ գրգռված ես…
Ձեռքդ դիր նրա ազդրի վերին հատվածին։
Այս շարժումն արդյունավետ է ոչ միայն այն պատճառով, որ ձեռքդ չափազանց մոտ է գտնվելու նրա «գործիքին»։ «Նրա ազդրի վերին հատվածն արդեն իսկ զգայուն է,– ասում է Գիվենսը։ — Մարմնի այդ մասը հարուստ է նյարդային հանգույցներով, որոնք կապված են նրա սեռական օրգանների հետ»։ Ավելին, մարմնի այս հատվածում մաշկն ավելի նուրբ է, քանի որ այն ազդրի սովորաբար ամենաքիչ մկանուտ մասն է։ «Շոյիր և մատներով թեթևորեն մերսիր նրա ազդրի վերին հատվածը»,– ասում է Վեքսլերը։ Այսքանից հետո երաշխավորում ենք՝ նրա ձեռքերը հնարավորինս արագ կպարուրեն քո ողջ մարմինը։
Քանի որ նրա ափերը ծածկում են քո ձեռքերը, նա ստանձնում է գերիշխող դիրք, ինչը նրան դրդում է հոգ տանել քո մասին։
Երբ իրականում չես կարող ասել՝ լավ էլի՜…
Ձգվիր դեպի նա՝ ձեռքերիդ ափերը վեր, և տեղավորիր ափերդ նրա ձեռքերում։
Ձեռքերը մեկնելը (ափերը դեպի վեր) ՏՕՏ ազդանշան է։ «Այս ժեստը հասարակության մեջ երկար ժամանակ ասոցացվել է մուրալու հետ, հետևաբար՝ նա ենթագիտակցորեն այն մեկնաբանելու է որպես աջակցության խնդրանք,– ասում է Գիվենսը։ – Եվ երբ դու բռնում ես զուգընկերոջդ ձեռքերը, դու հասկացնում ես նրան, որ իր աջակցության կարիքն ունես»,– բացատրում է Գիվենսը։
Առանց որևէ բան բարձրաձայնելու՝ դու փորձում ես «որսալ» նրա աջակցությունը։ Եվ քանի որ նրա ափերը ծածկում են քո ձեռքերը, նա ստանձնում է գերիշխող դիրք, ինչը նրան դրդում է հոգ տանել քո մասին։
Երբ ցանկանում ես ասել՝ սիրում եմ…
Նրա դեմքն առ ափերիդ մեջ։
Տղամարդու դեմքը չափազանց զգայուն է, իսկ ծոծրակն ունի հատուկ զգայուն սենսորներ, որոնք խմբված են մազային պարկիկների (ֆոլիկուլների) շուրջ։ «Ֆոլիկուլների մեծ քանակը տղամարդու դեմքը կնոջ դեմքից ավելի զգայուն է դարձնում»,– ասում է Գիվենսը։
Ի հավելումն ֆիզիոլոգիական գործոնի, այս ժեստը նաև խիստ ռոմանտիկ է (դա է պատճառը, որ այն օգտագործվում է ֆիլմերում, հատկապես՝ համբույրի գրեթե բոլոր դրվագներում)։ «Դեմքը զգայական առումով մարմնի ամենաինտիմ մասերից է։ Ուրեմն, նրա դեմքն ափերիդ մեջ պահելը սիրելիիդ հաղորդում է նրա հանդեպ տածած քո խոր զգացմունքները»,– ասում է Ֆիլդը։
Պատասխան արձագանք
Ֆիզիկական կոնտակտը հեշտացնում է միմյանց հասկանալու գործընթացը, քանի որ դու կարող ես զգալ՝ ինչպես է նրա մարմինն արձագանքում քո հպմանը։ Աչքի անցկացրու ստորև ներկայացված «վերծանումները» և պարզիր՝ իրականում ինչ է անցնում նրա մտքով։
ՆԱ ԼԱՐՎՈՒՄ Է
Դու զգում ես, թե ինչպես են նրա մկանները կծկվում քո ձեռքի տակ, ռեֆլեքսի նման։ Սա նշանակում է, որ նա նյարդային է և անընկալունակ (օրինակ՝ քո ներողությունը գուցե նրան
համոզիչ չի թվացել, եթե զգում ես, որ նրա ծունկը ցնցվում է, երբ դու սեղմում ես այն)։
ՆԱ ՀԵՆՎՈՒՄ Է ՔԵԶ
Եթե նա զգուշորեն իր մարմինը մոտեցնում է քեզ, դրանով ցույց է տալիս, որ քո ազդեցության տակ է։ Սա նշանակում է, որ նա հակված է համաձայնության գալու, ընդ որում՝ ցանկացած հարցում։
ՆԱ ԹԵՔՈՒՄ Է ՄԱՐՄԻՆԸ՝ ՀԵՌԱՆԱԼՈՎ ՔԵԶՆԻՑ
Պահպանելով ֆիզիկական կապը՝ նա հասկացնում է, որ բաց է քո ասածների առաջ, սակայն մի կողմ թեքվելը նշանակում է, որ նա լիովին «գրավված» չէ (դա անվճռականության ֆիզիկական դրսևորումն է)։
ՆԱ ԿԱՏԱՐՅԱԼ ԱՆՇԱՐԺ Է
Որպես կանոն, ռեակցիայի բացակայությունն ամենավատ ռեակցիան է։ Դա նշանակում է, որ նա ամբողջովին կտրված է խոսակցությունից և «պատ» է կառուցել։ Ավելի ճիշտ կլինի սպասել մեկ ուրիշ պահի, երբ նա քո առջև այդքան «փակված» չի լինի։
Աղբյուրը՝ դոկտոր Դեյվիդ Գիվենս
- 13:10Հայտնի է ջերմաստիճանը, որի ժամանակ ակտիվանում է կորոնավիրուսը. MedRxiv
- 13:10Հայաստանը քո ձեռքում դարձել է ժողովրդավարության պոչամբար՝ սրանից բխող բոլոր տոքսիկ հետեւանքներով. Աշոտյանը՝ Փաշինյանին
- 14:10Վլադիմիր Պուտինն ու Դմիտրի Մեդվեդևը շնորհավորական ուղերձներ ու ծաղկեփնջեր են ուղարկել Աննա Հակոբյանին
- 14:10Ինչ ընդհանրություն կա պատգամավորների թվի և Գարեգին Բ կաթողիկոսի միջև
- 17:28ՍՈՒՐԲ ԳԻՐՔՆ ԱՄԵՆ ՕՐ (31 մարտ 2018թ.)
- 16:48Նիկոլ Փաշինյանի հեղինակած երգը (տեսանյութ)
- 16:02Ֆիլիպ Կիրկորովը իր երեխաների համար տնային դիսնեյլենդ է կառուցել
- 14:25Սուրբ Զատիկի տոնին բազմաթիվ միջոցառումներ կկազմակերպվեն. Ժամանակացույց
- 17:30ՍՈՒՐԲ ԳԻՐՔՆ ԱՄԵՆ ՕՐ (30 մարտ 2018թ.)
- 15:27Այդ դեպքում, ինձ պետք է վաղուց բանտ նստեցրած լինեին իմ խենթ սանրվածնքների համար. Ջուս
29.09.2024 | 20:03
09.09.2024 | 12:51
26.06.2024 | 10:01
31.05.2024 | 12:54
31.05.2024 | 12:10
31.05.2024 | 11:10
29.05.2024 | 15:42
29.05.2024 | 12:10
29.05.2024 | 11:17
28.05.2024 | 13:20
28.05.2024 | 13:02
28.05.2024 | 11:17
28.05.2024 | 11:11
28.05.2024 | 10:37
24.05.2024 | 15:10
24.05.2024 | 13:10
24.05.2024 | 12:17
24.05.2024 | 11:29
23.05.2024 | 15:10
23.05.2024 | 14:10
23.05.2024 | 13:10
23.05.2024 | 11:10
22.05.2024 | 15:10
22.05.2024 | 14:10
22.05.2024 | 13:10
22.05.2024 | 12:10
22.05.2024 | 11:10
21.05.2024 | 15:10
21.05.2024 | 14:10
21.05.2024 | 13:10
21.05.2024 | 12:10
21.05.2024 | 11:10
20.05.2024 | 15:10
20.05.2024 | 14:10
20.05.2024 | 13:10
20.05.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.