Ռուսաստան –Թուրքիա քաղաքական լարվածությունը չէր կարող չանդրադառնալ նաև միջպետական պայմանագրերի ու համաձայնագրերի վրա:

Ռուսաստանի կառավարության պաշտոնական էջը տեղեկացնում է, որ Ռուսաստանի կառավարության՝ 22 դեկտեմբերի 2015 թվականի որոշմամբ չեղարկվում է 1997 թվականի դեկտեմբերի 15-ին Ռուսաստանի և Թուրքիայի միջև կնքնված ՛՛ Քաղաքացիներին քաղաքացիական, քրեական և տնտեսական գործերով իրավական աջակցություն ցուցաբերելու մասին՛՛ միջպետական համաձայնագիրը , ինչպես նաև հանձնարարվում է համապատասխան գերատեսչություններին, չեղարկելու մասին պաշտոնապես իրազեկել թուրքական կողմին:

Սա շատ լուրջ որոշում կարող են համարել նրանք, ովքեր խրախուսում են Ռուսաստանի կողմից Թուրքիայի նկատմամբ պատժամիջոցների կիրառումը:

Բանն այն է , որ 2016 թվականի հունվարի 1-ից Ռուսաստանը Թուրքիայի քաղաքացիների համար վերացրել է առանց վիզաների մուտքը երկիր և եթե վերոհիշյալ համաձայնագիրն էլ չեղարկվում է, ապա թուրքերը Ռուսաստանում զրկվում են իրավական աջակցությունից պետության կողմից:

Եթե այս որոշման իմաստը տեղափոխենք ՛՛խոհանոցային ընկալման մակարդակ՛՛, ապա Ռուսաստանը թուրքերին ասում է.՛՛Չգաք Ռուսաստան, ձեզ հետ այնտեղ ինչ ասես կարող է պատահել և պետությունը լվանում է իր ձեռքերը ՛՛:

Սա Ռուսաստան-Թուրքիա միջպետական համաձայնագրերի չեղարկման շարքից առաջինն է:

armweeklynews.am