37-ամյա Կարեն Գալստյանն ընդունել է իր մեղավորությունը զեղծարարության սխեմայով միլիոնավոր դոլարներ աշխատելու մեջ, հաղորդում է Los Angeles Times պարբերականը։ Ամերիկահայ գործարարը զեղծարարություններն արել է Գլեդեյլում գտնվող իր Toro Ride ընկերության միջոցով, որը մատուցում է ԱՄՆ-ում լայն տարածում ունեցող այսպես կոչված «կիսովի տաքսի» ծառայություններ:
Այս ծառայությունից օգտվողները հիմնականում իրենց սմարթֆոնների հավելվածների միջոցով պատվիրում են տաքսին և գտնում մոտակայքում գտնվող և իրենց ուղությամբ մեկ այլ պատվեր կատարող մեքենա, որը նրանց արագ և հարմարավետ հասցնում է իրենց ուզած վայրը, իսկ գումարը գանձվում է բոլոր պատվրիատուներից: ԱՄՆ կառավարությունը աջակցում է նման ծառայություններ մատուցողներին` գլխավորապես այն պատճառով, որ դրանք նպաստում են թունավոր արտանետումների նվազմանը:
Կարեն Գալստյանը, օգտագործելով իր ընկերությունը, Verizon-ից խաբեությամբ յուրաքանչյուրը 99 դոլարով ձեռք է բերել 500 դոլար արժողությամբ 30 հազար iPhone` վստահեցնելով, որ դրանք օգտագործվելու են իր ընկերության համար աշխատող վարորդների կողմից և այդպիսով խնայել 13 միլիոն դոլար:
Նա վստահեցրել է, որ իր ընկերությունը 20 միլիոն դոլար է ստացել ներդրողներից և մտադիր է իր ծառայությունների ծածկույթը տարածել երկրով մեկ, սակայն թաքցրել է փաստը, որ մեկ այլ գործով դատական գործնթացում ներգրավված է որպես մեղադրյալ և չի կարողանոալու դա անել։
Վեց ամսվա ընթացքում Գալստյանը ցածր գնով ձեռք բերած հեռախոսները վերավաճառել է միջազգային ընկերություններին, որոնք հեռախոսները ակտիվացրել են Վիետնամում, Իրաքում, Չինաստանում և Սաուդյան Արաբիայում։
Ստացած շահույթով նա ձեռք է բերել մի քանի արժեքավոր անշարժ գույք, այդ թվում` փենթհաուզ համալիր Լաս Վեգասում: Գալստյանն իրեն մեղավոր է ճանաչվել, նաև համաձայնել է հրաժարվել զեղծարար սխեմայի միջոցով ձեռք բերած ամբողջ ունեցվածքից, այդ թվում` բազմաթիվ մեքենաներից և տարբեր քաղաքներում ունեցած անշարժ գույքից, նաև 17 միլիոն դոլարի փոխհատուցում վճարել Verizon-ին: Դատավճիռը կլինի հունվարին:
- 13:10Լուկաշենկոն կանխատեսել է Ուկրաինայի ամբողջական ոչնչացումը
- 13:10Հայաստանի դեմ Ադրբեջանի պատերազմում Հնդկաստանը պետք է կանգնի Երևանի կողքին. The Print
- 13:10Պուտինն Ուկրաինա ներխուժելիս երկու ճակատագրական սխալ է թույլ տվել. Ստոլտենբերգ
- 13:10Թուրքիայի ռազմական գործողությունը Էրդողանը հիմնավորել է Սիրիայում Ռուսաստանի պայմանավորվածությունների չկատարմամբ
- 12:10Ալիեւը Հայաստանին մեղադրել է ՀԱՊԿ երկրների հետ Բաքվին բախման մղելու փորձի համար
- 13:10Իրանը երբեք մտադիր չի եղել ներխուժել Ադրբեջան կամ վերահսկողություն հաստատել երկրի նկատմամբ. Վելայաթի
- 12:10Զելենսկին չի ցանկանում բանակցել, որպեսզի չճանաչի Ուկրաինայի փլուզման իրողությունները. եթե ճանաչի, ազգայնականները նրան կսպանեն. Մեդվեդև
- 14:10Հայաստանը դարձել է Ուկրաինայի կոնֆլիկտի պատճառով ռուսաստանցիների տեղափոխման գլխավոր շահառուն․ Forbes
- 14:10Մեզ անհրաժեշտ է Հայաստանի իշխանության բացարձակ հստակ դիրքորոշումը սեփական օրակարգի վերաբերյալ. Ալիևը՝ խաղաղության պայմանագրի մասին
- 15:10Եթե Գյուլիստանի պայմանագիրը չլիներ, Ադրբեջանը կլիներ Իրանի մաս. իրանցի պատգամավորներն արձագանքել են «հայրենակիցների մասին» Ալիևի հայտարարություններին