Ավստրալացի դերասանուհի, երգիծաբան, սցենարիստ եւ պրոդյուսեր 35-ամյա Ռեբել Ուիլսոնն այսուհետ չի մոռանա, որ Քարդաշյանների ընտանիքի հետ գործ բռնել պետք չէ։ Վերջերս դերասանուհին ավստրալական ռադիոյի եթերում հաղորդումներից մեկի ժամանակ պատմել է, որ ժամանակին ինքը հրաժարվել է Քենդալ եւ Քայլի Ջեներների հետ միասին հանձնել MTV VMA մրցանակը, քանի որ աղջիկները հռչակը նրանց տաղանդի արդյունքը չէ։

«Նրանք մի փոքր մակերեսային են թվում, իսկ նրանց կարիերան  նրանց տաղանդի հետ ոչ մի կապ չունի։ Ես գիտեմ, որ նրանք սուպերպոպուլյար են, բայց ինձ ավելի շատ դուր են գալիս հետաքրքիր անհատականությունները եւ նրանք, ովքեր շատ են աշխատում հաջողության  հասնելու համար։ Եթե Քիմ Քարդաշյանը հայտնի է դարձել սեքս-հոլովակի շնորհիվ, ապա ես դրա համար դերասանական վարպետություն եմ ստացել եւ համառորեն աշխատել եմ»,- նշել է դերասանուհին։

Այժմ Ռեբելը Twitter-ի իր էջում մի քանի գրառում է կատարել, որոնք խոսում են այն մասին, թե նրա արտահայտությունն ինչպիսի արձագանք է առաջ բերել Քարդաշյան ընտանիքի PR մենեջերի կողմից։

«Ես ուրախ եմ քննարկել Քարդաշյաններին վերաբերող ցանկացած թեմա ցանկացած պահի եւ ցանկացած վայրում։ Կամ էլ միգուցե նրանց PR մենեջերն ուղղակի դադարեցնի այն վարկաբեկող արշավը, որը սկսվել է այն պատճառով, որ ես ավստրալական ռադիոյով մի անգամ անդրադարձել եմ Քարդաշյաններին։ Ամեն դեպքում, բավական է։ Ես Քարդաշյանների ընտանիքին ամենայն բարիք եմ մաղթում եւ նրանց ծաղիկներ եմ ուղարկում»,- գրել է Ուիլսոնը։

Աղբյուրը՝ Just Jared