Ադրբեջանի իշխանությունները Կարմիր Խաչի միջազգային կոմիտեի տեղեկացրել են Հայաստանի քաղաքացու՝ իրենց տարածքում գտնվելու մասին։ Այս մասին «Ազատությանը» փոխանցեց Կարմիր խաչի հայաստանյան գրասենյակի մամուլի պատասխանատու Զառա Ամատունին։
Հիմնվելով միջազգային իր մանդատի և Հայաստանի և Ադրբեջանի կողմից վավերացված Ժնևի կոնվենցիաների վրա՝ այժմ Կոմիտեն սպասում է Ադրբեջանի իշխանությունների թույլտվությանը՝ այցելելու հայ-ադրբեջանական սահմանը հատած Կոթի գյուղի 77-ամյա բնակիչ Լուսիկ Աբովյանին։
«Կարմիր Խաչի մանդատը հնարավորություն է տալիս երկխոսություն տանել պատասխանատու իշխանությունների հետ մյուս կողմի քաղաքացուն այցելելու ուղղությամբ»,- փոխանցեց Ամատունին։
Հայ-ադրբեջանական սահմանամերձ Կոթի գյուղի տարեց բնակիչը երկու օր առաջ գյուղի մյուս ծայրում բնակվող քրոջն այցելելուց հետո տուն չի վերադարձել։ Հարազատները երկար որոնումներից հետո տեղեկացել են, որ կինը մոլորվել ու հայտնվել է սահմանի մյուս կողմում։
Կառավարությանն առընթեր գերիների, պատանդների և անհայտ կորածների հարցերով զբաղվող աշխատանքային խմբի ղեկավար Արմեն Կապրիելյանը հույս ունի, որ այս անգամ գոնե Ադրբեջանը մոլորված կնոջը որքան հնարավոր է արագ և անվնաս կփոխանցի հայկական կողմին։ Ոչ վաղ անցյալի փորձը հայկական կողմին լավատեսություն չի ներշնչում։ Կապրիելյանը հիշեցնում է հատկապես տարեց տավուշցի Մամիկոն Խոջոյանի դեպքը։ Վերին Կարմիրաղբյուրի 77-ամյա բնակիչը ադրբեջանական կողմում էր հայտնվել պատահականորեն, մինչդեռ Ադրբեջանը ծերունուն ներկայացրել էր որպես դիվերսանտ ու խոշտանգված հետ ուղարկել Հայաստան։
«Նույնիսկ այդ տարեց մարդուն փորձում էին ներկայացնել որպես դիվերսանտ, հետո դիվերսիոն խմբի ուղեկից և այլն։ Ճիշտ է՝ երբևիցե ադրբեջանական կողմը խելամտությամբ աչքի չի ընկել, բայց այս պարագայում, կարծում եմ, իրենք էլ են գիտակցում, որ դա չափից ավելի ծիծաղելի կլիներ, եթե այդ տարիքի կնոջը, գյուղի բնակչուհուն փորձեին նման կերպ ներկայացնեին արտաքին աշխարհին»,- ասաց Կապրիելյանը։
azatutyun.am
- 13:10Թբիլիսիում կարծում են, որ Կիեւը ձգտում է, որ Վրաստանը դառնա պատերազմի կողմ
- 12:10Վճռորոշ նշանակություն ունի այն, ինչի շուրջ հոկտեմբերի 6-ին Պրահայում համաձայնության են եկել Ադրբեջանի և Հայաստանի ղեկավարները. Լավրով
- 12:10Իրանը հայտնել է իր բոլոր սահմաններին կայուն անվտանգության հասնելու մասին
- 12:10Ադրբեջանում հետաքննում են «հանցագործությունը»՝ Իրանից հայկական արտադրանքի տեղափոխման փորձը
- 15:10Հայաստանին չի գոհացնում Ռուսաստանի հետ հարաբերությունների ներկա վիճակը. ԱՄՆ-ն կարևոր բանակցություններ է վարում՝ փորձելով հասկանալ, թե ինչպես կարող է օգնել Երևանին. Լին Թրեյսի
- 13:10Ռուսներն ու ուկրաինացիները Անթալիայում մեծ թվով անշարժ գույք են ձեռք բերում
- 13:10Լուկաշենկոն կանխատեսել է Ուկրաինայի ամբողջական ոչնչացումը
- 13:10Հայաստանի դեմ Ադրբեջանի պատերազմում Հնդկաստանը պետք է կանգնի Երևանի կողքին. The Print
- 13:10Պուտինն Ուկրաինա ներխուժելիս երկու ճակատագրական սխալ է թույլ տվել. Ստոլտենբերգ
- 13:10Թուրքիայի ռազմական գործողությունը Էրդողանը հիմնավորել է Սիրիայում Ռուսաստանի պայմանավորվածությունների չկատարմամբ