Օուլուի համալսարանի ֆին հետազոտողներն արյան մեջ մի բիոմարկեր են հայտնաբերել, որը կարող է տեղեկություն հաղորդել ՝ արդյոք մարդուն առաջիկա 14 տարիներին վարակիչ հիվանդություններից մահ սպառնում է, թե ոչ:
Խոսքը GlycA բիոմարկերի մասին է, որը կապ ունի օրգանիզմում բորբոքային գործընթացների հետ: Դրա մակարդակի բարձրացումը վկայում է իմունային բջիջների անոմալ ակտիվության կամ էլ խրոնիկ վարակի մասին: Այն գործընթացները, որոնք ուղեկցում են խրոնիկ բորբոքումներին, թուլացնում են օրգանիզմի պաշտպանական գործառույթները ու մարդուն ավելի խոցելի դարձնում վտանգավոր վարակիչ հիվանդությունների նկատմամբ, հայտնում է «Բժշկություն99»-ը:
Արդյունքները ցույց են տվել, որ արտաքուստ առողջ մարդկանց մոտ GlycA -ի բարձր մակարդակն ուղեկցվում էր բոբոքային ցիտոկինների (սպիտակուցներ, որոնք իմունային համակարգը արտադրում է, որպեսզի պայքարի ցավաստեղծ պաթոգենների դեմ) խտության ավելացումով: Բացի դրանից բացահայտվել են գեներ, որոնք ապացուցում են նեյտրոֆիլների՝ լեյկոցիտների տեսակներից մեկի ակտիվությունը: Այս բոլոր նշանները վկայում են օրգանիզմում բորբոքային պրոցեսների առկայության մասին:
Մահացու ելքեր ունեցած վտանգավոր վարակների մասին բժշկական գրառումների վերլուծությունը ցույց է տվել, որ GlycA-ի մակարդակի բարձրացումն ավելացնում էր ոչ տեղայնացված ու շնչառական լուրջ վարակների, մասնավորապես սեպսիսի ու թոքաբորբի երկարաժամկետ վտանգը:
Հայտնագործությունը գիտնականներն արել էին, երբ ուսումնասիրում էին 10 հազար մեծահասակ հիվանդների մասին տվյալները:
- 22:15Լևոն Ալթունյանի խայտառակ «կապրիզը» մարդկային կյանքերի հետ է խաղում. ահազանգում է քաղաքացին
- 12:23Ավանդական չինական բժշկություն. մարդու կյանքը կաթվածի ժամանակ հնարավոր է փրկել
- 18:10Խնայեք ձեր երեխաներին՝սմարթֆոնները կուզիկության պատճառ կարող են դառնալ (լուսանկարներ)
- 11:30Աչքերը շատ բան կարող են ասել ձեր հիվանդության մասին
- 11:53Անսպասելի բացահայտում. գեյ տղամարդիկ և բիսեքսուալներն ավելի հաճախ են տառապում մաշկի քաղցկեղով
- 13:20Մարմնի տհաճ հոտը գուժում է ձեր հիվանդության մասին
- 17:36Ինչպե՞ս պահպանել տեսողությունը համակարգչով աշխատելու ժամանակ
- 12:41Հայազգի բժիշկ Գագիկ Ավագյանն Ուկրաինայում բուժել է քաղցկեղով տառապող մարդկանց (տեսանյութ)
- 12:34Սրտի կաթվածի ախտանիշներ, որոնք 1 ամիս առաջ կարող են ձեզ զգուշացնել