50 տարի անց Lancome-ը թողարկում է 60-ականների վերջին կանանց սրտերը գերած բույրը նոր տեսքով: Ֆրանսիական պարֆումերիայի լեգենդը կրկին հայտնվել է Մոսկվայում:

1967 թվականին թողարկած Climat բույրն ամենացանկալի բույրերից էր դարձել. հենց այս կոմպոզիցիան է գրավել մեր մայրերի, տատիկների սրտերը: Այժմ՝ 2015 թվականին, Lancome-ը հատուկ Ռուսաստանի համար բույրի 3000 համարակալված սրվակ է թողարկել: Նախորդ սերնդի բույրի օրիգինալ կոմպոզիցիայի հեղինակը Ժերար Գոուպին էր:

«Անհավանական էլեգանտ, շլեյֆային, բացառիկ կայուն, կրեմա-դիմափոշային, կանաչա-ծաղկային, թանձր ու միաժամանակ թարմ… Բազմագույն ծղոտային ժապավենով սրվակը արվեստի գործ է եղել, որը հաճելի էր բռնել ձեռքում, և մանկության տարիներին այնքան հեշտ էր թափել: Հասուն դարձած աղջիկներից  շատերը տխրությամբ են հիշում, թե ինչպես են պատահաբար վայր գցել, թափել կամ կոտրել օծանելիքի սրվակը, իսկ նրանց մայրիկները՝ տխրել»,- ասում է պարֆումեր Գալինա Աննին:

Թողարկված օրինակում պարֆումերային կոմպոզիցիայի հյուսվածքը նույնն է մնացել, սակայն կանաչիի, բերգամոտի և մրգերի բազային նոտաները մի փոքր նուրբ ու փափուկ են դարձել: Հասմիկից, նարգիսից և իրիսից վերաթողարկված օրիգինալ կոմպոզիցիան լրացված է վարդով, հովտաշուշանով և բրաբիոնով, որոնք տաք մուշկա-ամբրային շլեյֆ են թողնում: