Գերմանիայի Խորհրդարանը չի շտապում հայերի ջարդերը ցեղասպանություն կոչել: Մի՞թե ամբողջ հարցն այն է, որ չեն ցանկանում բարկացնել Թուրքիայի նախագահ Ռեջեփ Թայիփ Էրդողանին: Ինքն իրեն նման հարց է տալիս գերմանական «Deutsche Welle»-ի հոդվածի հեղինակը:
Նրա խոսքով, Բունդեսթագում Հայոց ցեղասպանության վերաբերյալ որոշման քննարկումը հետաձգելով՝ Գերմանիայի կառավարությունը փորձում է շողոքորթել Թուրքիային:
«Der Spiege»-ի հրապարակումների համաձայն, իշխող ՔԴԴ-ՔՍՍ կուսակցությունների դաշինքը եւ Գերմանիայի Սոցիալ-դեմոկրատական կուսակցությունը համաձայնության են եկել՝ անորոշ ժամանակով հետաձգել Հայոց ցեղասպանության վերաբերյալ որոշման նախագծի վերջնական ընթերցումը: Սակայն «Deutsche Welle»-ն գրում է, որ որոշ աղբյուրների պնդմամբ, հետաձգումը տեղի է ունեցել հենց ՔԴՄ-ի ջանքերով:
Միաժամանակ ընդդիմադիր Կանաչների կուսակցությունը պնդում է, որ խորհրդարանը մինչեւ տարեվերջ պիտի ընդունի Հայոց ցեղասպանությունը: «Դաշինքը տեղում դոփում է, բայց ժամերը գնում են. տարելիցն արագ ավարտին է մոտենում»,- ասում է Կանաչների առաջնորդ Ջեմ Օզդեմիրը:
Ինչպես նշված է հոդվածում, ոչինչ այնպես չի ջղայնացնում Թուրքիայի նախագահ Ռեջեփ Թայիփ Էրդողանին, որքան 1915-ի դեպքերի համատեքստում «ցեղասպանություն» եզրույթի գործածությունը:
Հեղինակի կարծիքով, մի բան պարզ է. այս պահին Գերմանիայի կառավարությունը Թուրքիայի կարիքն ունի փախստականների խնդրի լուծման համար: Գերմանիայի կանցլեր Անգելա Մերկելը ցանկանում է, որ նախագահ Էրդողանն ավելի սերտորեն համագործակցի ԵՄ-ի հետ: Կանցլերը կիրակի օրը Թուրքիա կմեկնի այդ հարցերը քննարկելու:
«Մերկելի այցի ազդարարումը Բեռլինում խառը արձագանքներ է առաջ բերել: Թուրքիայում ընտրությունները նախատեսված են նոյեմբերի 1-ին: Այս գարնանը Էրդողանի պահպանողական իսլամիստական կուսակցությունը չի կարողացել ձայների բացարձակ մեծամասնություն ստանալ եւ այժմ փորձում է վերականգնել իր դիրքերը: Գերմանիայի ընդդիմադիր Կանաչների եւ ձախական կուսակցությունները մտահոգություն ունեն, թե Մերկելի ուղեւորությունը կարող է անսպասելիորեն վերածվել նախագահի ընտրական քարոզարշավի աջակցության»,- ամփոփում է հեղինակը:
- 15:11Տպավորություն է՝ ռուսական կողմը չի կարողանում կամ չի ցանկանում որևէ կերպ արձագանքել Բաքվի ակնհայտ սադրանքներին
- 14:10Սեդրակ Քոչարյանը դատական հայց է ներկայացրել ընդդեմ Հայաստանի Հանրապետության․ պահանջում է 11 մլն 339 հզր դրամ փոխհատուցում
- 13:10Ավտոկայարանների կառավարումը, հնարավոր է, փոխանցվի Գագիկ Ծառուկյանի ընկերություններին
- 12:10Վճռորոշ նշանակություն ունի այն, ինչի շուրջ հոկտեմբերի 6-ին Պրահայում համաձայնության են եկել Ադրբեջանի և Հայաստանի ղեկավարները. Լավրով
- 11:10Ադրբեջանը հող է նախապատրաստում Լեռնային Ղարաբաղը Հայաստանի հետ կապող Լաչինի միջանցքը փակելու համար. Սիմոնյան
- 15:10Քրեական հետապնդում է հարուցվել Վլադիմիր Գասպարյանի կնոջ նկատմամբ. նա ՊՆ-ում և ոստիկանությունում նշանակված է եղել պաշտոնի, չի ներկայացել ծառայության, ստացել է գնդապետի կոչում
- 14:10Արդյո՞ք չեզոքացված են որևէ փուլում ճանապարհի փակման ռիսկերը. Տիգրան Աբրահամյան
- 13:10Հայկական քաղավիացիան դեռ կմնա ԵՄ «սև ցուցակում». եվրոպացիները գոհ չեն «սահմանափակ առաջընթացից»․ «Հետք»
- 12:10Իրանը հայտնել է իր բոլոր սահմաններին կայուն անվտանգության հասնելու մասին
- 11:10Գետավանում ադրբեջանցիները վեճի են բռնվել հայ երիտասարդների հետ. նախնական տեղեկություններով՝ նրանք Ադրբեջանի ԶՈՒ և ռազմական ոստիկանության ծառայողներ են. Արցախի ոստիկանություն