Ինչպես հայտնի է, հոկտեմբերի 3-ին և 4-ին Սիրիայում ռազմական գործողություններին մասնակցող Ռուսաստանի Դաշնության մարտական օդանավերը, հատելով սահմանը, կարճատև մուտք էին գործել Թուրքիայի օդային տարածք, ինչը միջազգային սկանդալի առիթ հանդիսացավ: Դրանից երկու օր անց՝ հոկտեմբերի 6-ին և 7-ին, թուրքական զինված ուժերի երկու ռազմական ուղղաթիռներ Իգդիրից Կարս ճանապարհին հատել են Հայաստանի պետական սահմանը և մի քանի րոպեով մտել Արմավիրի մարզ:
Ցուցադրական խախտում
Պատասխանելով հայկական դիսպետչերական «Հայաէրոնավիգացիայի» հարցմանը՝ պաշտոնական Անկարան չի ասել, որ սահմանի հատումը պատահականություն էր, այլ ընդամենը նշել է, որ ուղղաթիռը ցանկացել է շրջանցել վատ եղանակային պայմաններով տարածքները:
Սակայն այստեղ պետք է հաշվի առնել, որ սահմանն անցնում է Արաքս գետով և գետից դեպի արևմուտք եղանակն այդ օրերին բավականին նորմալ էր: Ավելին, այդ նույն պատճառով օդաչուները չէին կարող սահմանը հատել պատահաբար, քանի որ ջրառատ այդ գետը չնկատելը, մեղմ ասած, անհնար է:
Եթե հաշվի առնենք, որ նախկինում նման միջադեպեր չեն եղել, իսկ այժմ դրանք թե՛ քանակով և թե՛ ամսաթվով համընկան ռուսական օդանավերի կողմից Թուրքիայի օդային տարածքը խախտելու դեպքերի հետ, ապա կարելի է վստահաբար ասել, որ ուղղաթիռների կողմից Հայաստանի օդային տարածքի մի քանի րոպեանոց խախտումը ցուցադրական է: Առավել ևս, որ հայ-թուրքական սահմանը «պահպանում են» Ռուսաստանի սահմանապահները, որոնց գլխի վրայով էլ անցել են Թուրքիայի ռազմական օդաչուները:
Սեփական կամքից անկախ
Թուրքիան Ռուսաստանի հետ ընդհանուր սահման չունի, և Հայաստանը միակ տեղն է, ուր Թուրքիան կարող է «պատասխանել» Ռուսաստանի զինվորականներին թուրք-սիրիական սահմանի միջադեպերի համար: Եվ դա առավել արդի է դառնում այն ֆոնին, որ վերջին շաբաթների ընթացքում ռուս-թուրքական հարաբերությունները բավականին վատթարացել են:
ՌԴ օդուժի կողմից Թուրքիայի օդային տարածքի խախտումը բավականին սուր է ընդունվել ՆԱՏՕ-ի կոմից, իսկ տարածաշրջանում «Իսլամական պետության» դիրքերը ռմբակոծող բրիտանական օդանավերի օդաչուներին տրվել է որոշ վտանգավոր դեպքերում ռուսական մարտական օդանավերի վրա կրակ բացելու թույլտվություն, ապա կարելի է արձանագրել, որ «օդային տարածքներ խախտելու» հակամարտությունը կամաց-կամաց վերածվում է ՆԱՏՕ-Ռուսաստան կոնֆլիկտի:
Եվ այդ կոնֆլիկտի առաջնագծում սեփական կամքից անկախ հայտնվում է նաև Հայաստանը…
Դանիել Իոաննիսյան,
«Իրազեկ քաղաքացիների միավորում»
- 15:10Հայաստանը պետք է Ֆրանսիայի թանգարանից հետ բերի Ցեղասպանության հինգ զոհերի գանգերը․ Հարութ Սասունյան
- 14:10Բարձր եմ համարում ռազմական գործողությունների վերսկսման հավանականությունը․ Նիկոլ Փաշինյանն ու իր թիմն ամեն ինչ արել են, որ Հայաստանն ի վիճակի չլինի դիմադրել․ Փորձագետ
- 11:10Ադրբեջանում զորավարժություններ են, իսկ Հայաստանում՝ Մանկական եվրատեսիլ է ու տոնական հրավառություն
- 15:11Տպավորություն է՝ ռուսական կողմը չի կարողանում կամ չի ցանկանում որևէ կերպ արձագանքել Բաքվի ակնհայտ սադրանքներին
- 11:10Ադրբեջանը հող է նախապատրաստում Լեռնային Ղարաբաղը Հայաստանի հետ կապող Լաչինի միջանցքը փակելու համար. Սիմոնյան
- 13:10Հայկական քաղավիացիան դեռ կմնա ԵՄ «սև ցուցակում». եվրոպացիները գոհ չեն «սահմանափակ առաջընթացից»․ «Հետք»
- 13:10Սերգեյ Լավրովը հստակ ասում է ՀՀ իշխանություններին՝ կողմնորոշվե՛ք, ի՞նչ եք ուզում որպես պետություն․ Երվանդ Թարվերդյան
- 11:10ՀՀ-ի և Ադրբեջանի միջև հարաբերությունների կարգավորումը չի կարող և չպետք է կապված լինի Արցախի կարգավիճակի հետ. Արցախի ԱԳՆ
- 15:10Առաջարկվող հայտարարությունը ռսիկեր է պարունակում և չի նպաստում խաղաղության օրակարգի առաջխաղացմանը. Աղաջանյանը՝ Ադրբեջանի ագրեսիան դատապարտող հայտարարությունը մերժելու պատճառի մասին
- 14:10«Վտանգը միշտ կա. սեպտեմբերի 12-13-ից հետո սահմանին միշտ էլ կրակոցներ եղել են». Պապիկյան