Եթե ձեր քրտինքից տհաճ հոտ է գալիս, ուրեմն դուք ունեք որևէ առողջական խնդիր: Բժիշկները յուրաքանչյուր հոտի համար որոշակի ճշգրտությամբ կարող են ասել, թե ինչ հիվանդություն ունեք: Բացարձակ առողջ մարդու քրտինքը ունի այն նույն հոտը, ինչ մարմինը: Այն չի կարող շատ տհաճ լինել, մանավանդ, եթե դուք պահպանում եք հիգիենայի կանոնները՝ պարբերաբար լոգանք եք ընդունում և լվացվում եք:  Թե որ հոտը, ինչ հիվանդության կամ առողջական խնդրի մասին է գուժում ներկայացնում է Aroxj.am-ը:

• Եթե ձեր մարմնից ամոնիակի հոտ է գալիս ուրեմն ձեզ մոտ երիկամային անբավարարություն է, միզապահման խնդիր կամ ցիստիտ: Սրանք հիմնական նախանշաններն են: Կան դեպքեր, երբ մարմնից ամոնիակի հոտը գուժում է խոլերայի մասին:

• Եթե ձեր մարմնից ացետոնի հոտ է գալիս, դա կարող է կապված լինել արյան մեջ շաքարի մակարդակի բարձրացման հետ: Ացետոնի հոտը կապված է մարմնում ինսուլինի պակասի հետ եւ դա կարող է բերել դիաբետային կոմայի:

• Յուրահատուկ մեղրի հոտը նշանակում է օրգանիզմում բորբոքային ինֆեկցիայի առկայության մասին:

• Եթե ձեր քրտինքից թթվային հոտ է գալիս դա կարող է նշանակել տուբերկուլյոզի առկայություն: Այս
դեպքում պարատադիր է հետազոտություն անցնել հստակ պատճառը պարզելու համար

• Եթե ձեր քրտինքի հոտը նման է փտած մսի հոտին, ապա դա կարող է կապված լինել միզապարկի շրջանում
օնկոլոգիական խնդիրների հետ

Սա ամբողջ ցանկը չէ, բայց ամենատարածվածն է: Իսկ ահա ձկնային հոտով քրտարտադրությանը հարկավոր է առաձին անդրադառնալ: Ձկնային հոտով քրտարտադրությունը մի քանի բան կարող է նշանակել: Առաջին ու ամենատարածված տարբերակը այն է, որ ձեր օրգանիզմում գերակշռում է B խմբի վիտամինների քանակությունը: Սա այնքան էլ վատ չէ, իսկ ահա եթե ձկան հոտը ուղեկցվում է ցավերով որովայնի, մեջքի ներքեւի հատվածում, ապա սա կարող է գուժել երիկամների լուրջ խնդիրների մասին: Բացի այդ եթե հոտին զուգահեռ դուք նկատել են արյան հետքեր կալի մեջ, ապա պետք է անհապաղ դիմել բժշկին: