Բանակում, խաղաղ պայմաններում, մահացած զինվորների ծնողներն այսօր կրկին հավաքվել էին նախագահական նստավայրի առջև՝ գերագույն գլխավոր հրամանատարին հիշեցնելու իրենց պահանջը։
Տարիներ շարունակ որդիների նկարները ձեռքներին նախագահական եկող ծնողները դեռ հույս ունեն, որ Սերժ Սարգսյանը կընդունի իրենց ու կկատարի երեք տարի առաջ տված խոստումը քրեական գործերին ընթացք տալու մասին։
«Իմ երեխու մահվան պատճառը ո՞րն է, ութ տարի է, ես չգիտեմ։ Բայց, ես ունեմ գերեզման, չունեմ իմ երեխու մահվան պատճառը», — ասաց որդեկորույս մայրերից մեկը։
Ի տարբերություն նախորդ բողոքի ակցիաների, այսօր ոստիկանները չխոչընդոտեցին, և որդեկորույս մայրերն անարգել հասան նախագահականի գլխավոր մուտքի մոտ, միայն հավաքի վերջում ոստիկանները նրանց հորդորեցին չփակել մուտքը։
Ցուցարարները պահանջում են նաև նախագահից ցուցում տալ խորհրդարանին՝ ժամանակավոր հանձնաժողով ձևավորելու և հինգ զինվորների քրեական գործերը հանրային քննարկման դնելու։ Ազգային Ժողովը երկու շաբաթ առաջ լսել էր այս առաջարկը, սակայն հետաձգել որոշումը, որպես պատճառ նշելով տեխնիկական խնդիրները։
«Սպասում ենք, տեսնենք իրենք կընդունե՞ն այս նախագիծը, թե՞ ոչ։ Բայց մինչև պատասխանը մենք չենք կարող ձեռքներս ծալել, նստել, քանի որ տարիներ շարունակ մենք այս խաբեությունը տեսել ենք։ Սահակյանը, երբ մեզ ընդունեց, ասաց, որ հանձնաժողով ստեղծվի, այս գործը կգնա փակուղի «Մարտի 1-ի» հանձնաժողովի նման», — ասաց մայրերից մեկը։
Խորհրդարանի պետաիրավական հարցերով հանձնաժողովի նախագահ Հովհաննես Սահակյանն (ՀՀԿ) «Ազատության» հետ զրույցում ասաց, թե առայժմ քննարկում են գործերը առանձին-առանձին քննելու տարբերակը՝ չբացառելով, որ ի վերջո հնարավոր է նաև խորհդարանկան ժամանակավոր հանձնաժողով ստեղծել։
«Այդ իսկ պատճառով Ազգային ժողովի նախագահը հանձնարարել է իրավական գծով խորհրդականին, որպեսզի այդ հինգ քրեական գործերի ընդհանուր առմամբ պատկերը պատկերացնենք, այնուհետև փորձենք գործողություններ կատարել և, ինչու չէ, նաև որոշումը կայացնենք», — ասաց Սահակյանը։
azatutyun.am
- 15:10Հայաստանը պետք է Ֆրանսիայի թանգարանից հետ բերի Ցեղասպանության հինգ զոհերի գանգերը․ Հարութ Սասունյան
- 14:10Բարձր եմ համարում ռազմական գործողությունների վերսկսման հավանականությունը․ Նիկոլ Փաշինյանն ու իր թիմն ամեն ինչ արել են, որ Հայաստանն ի վիճակի չլինի դիմադրել․ Փորձագետ
- 13:10Թբիլիսիում կարծում են, որ Կիեւը ձգտում է, որ Վրաստանը դառնա պատերազմի կողմ
- 12:10Ինչու՞ է 3000 քաղաքացի զրկվել նպաստից եւ կոմունալ վճարումների արտոնություններից. պարզաբանում է փոխնախարարը
- 11:10Ադրբեջանում զորավարժություններ են, իսկ Հայաստանում՝ Մանկական եվրատեսիլ է ու տոնական հրավառություն
- 15:11Տպավորություն է՝ ռուսական կողմը չի կարողանում կամ չի ցանկանում որևէ կերպ արձագանքել Բաքվի ակնհայտ սադրանքներին
- 14:10Սեդրակ Քոչարյանը դատական հայց է ներկայացրել ընդդեմ Հայաստանի Հանրապետության․ պահանջում է 11 մլն 339 հզր դրամ փոխհատուցում
- 13:10Ավտոկայարանների կառավարումը, հնարավոր է, փոխանցվի Գագիկ Ծառուկյանի ընկերություններին
- 12:10Վճռորոշ նշանակություն ունի այն, ինչի շուրջ հոկտեմբերի 6-ին Պրահայում համաձայնության են եկել Ադրբեջանի և Հայաստանի ղեկավարները. Լավրով
- 11:10Ադրբեջանը հող է նախապատրաստում Լեռնային Ղարաբաղը Հայաստանի հետ կապող Լաչինի միջանցքը փակելու համար. Սիմոնյան