Նախ՝ շնորհավորհում ենք  Արտավազդ Ամիրյանի փոքրիկի լույս աշխարհ գալը և ցանկանում  նրան առողջություն։

Արտավազդ Ամիրյանն իր շնորհակալական խոսքն է ուղղել  Շենգավիթ բժշկական կենտրոնի ողջ անձնակազմին։

« Թույլ տվեք նախ և առաջ շնորհակալություն հայտնել, բոլոր շնորհավորանքների համար, շնորհակալություն այն բոլոր դրական խոսքերի համար, որոնք այս օրերի ընթացքում ուղղվեցին մեր հրաշքին, հավատացած եղեք այդ խոսքերը շատ կարևոր են Մեզ համար: Թույլ տվեք առանձնահատուկ շնորհակալություն հայտնել Շենգավիթ բժշկական կենտրոնի ողջ անձնակազմին, տնօրինությանը նման բարեսիրտ ու հոգատար վերաբերմունքի համար ու առանձնահատուկ ուզում եմ շնորհակալությունս հայտնել մեր բժշկուհուն` ՇՈՒՇԱՆԻԿ ԱԼԲԵՐՏՈՎՆԱՅԻՆ, ում վերաբերմունքի, պրոֆեսիոնալիզմի, յուրաքանչյուրի հանդեպ ցուցաբերած անհատական վերաբերմունքի արդյունքում մենք այսօր ունենք հնարավորություն վայելելու Աստծո կողմից տրված մեր հրաշքին: Մենակ մենք գիտենք թե, որքան դժվար ու փորձություններով օրեր ենք անցել Ալբերտովնայի հետ, որքան ենք այդ օրերին ընթացքում նրա կողմից ոգևորվել ու գոտեպնդվել և այսօր արդեն նրա հետ միասին վայելում ենք մեր ՕՎՍԱՆՆԱՅԻ ներկայությունը: Տարոսը բոլոր բոլորին, թող, որ յուրաքանչյուր ընտանիքում զգան այն բերկրանքը, որը մենք ենք զգում, զգան այն երջանկությունը, որը մենք ենք ապրում: Անչափ շնորհակալ ենք Ձեր դրական լիցքերի ու խոսքերի համար: Սիրով` Արտավազդ, Մարիամ և Օվսաննա Ամիրյաններ» :

Հ.  Գ. Արժե՞ր արդյոք հիմա հրապարակավ շնորհակալություն հայտնել այս կնոջը, քանի դեռ  ՀՀ քննչական կոմիտեի Երևան քաղաքի քննչական վարչությունում շարունակվում է Մերի Մարգարյանի մահվան դեպքի առթիվ հարուցված քրեական գործի նախաքննությունը, երբ    վերջինիս հարազատները մեղադրում են Շուշանիկ Ալբերտովնային։