Սիրելի գործընկերներ, այս կիրակի՝ սեպտեմբերի 13-ին, նշելու ենք Հայ Եկեղեցու հինգերորդ տաղավար տոնը՝ Խաչվերացը:

 Սիրով հրավիրում ենք մասնակցելու բոլոր այն ծրագրերին, որոնք կազմակերպվելու են Արարատյան Հայրապետական թեմի համայքներում:

Օրհնած խաչեր վարորդներին՝ աչքուլունքների փոխարեն

Սեպտեմբերի 12-ին՝ ժամը 16:30-18:30, ԱՀԹ երիտասարդաց միությունները Ս. Խաչի տոնի նախօրեին արդեն չորրորդ անգամ Երևանի բանուկ կանգառներում իրականացնելու են Խաչի քարոզ: Այս անգամ ընտրել են Տիգրան Մեծ պողոտայի Տաշիր և Ռոսիա առևտրի կենտրոնների մոտակա կանգառները: Երիտասարդները այստեղ խաչեր են բաժանելու քաղաքային տրանսպորտի վարորդներին՝ վերցնելով նրանցից աչքուլունքները: Ուղևորներին ու անցորդներին նվիրելու են Ս. Խաչի տոնի խորհրդի մասին պատմող թերթոններ:

Ծրագիրն իրականացվում է ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոսի օրհնությամբ: Ծրագիրը մեկնարկել է նախորդ տարի մայիսի 18-ին՝ Ս. Խաչի երևման տոնին: Հասարակության կողմից լայն արձագանքներ ստանալով՝ երիտասարդները այն դարձրել են շարունակական և իրականացնում են Հայ Եկեղեցու՝ խաչին նվիրված տոների ժամանակ: ԱՀԹ երիտաարդաց միությունների համակարգող Տ.Պետրոս ավագ քահանա Մալյանի գլխավորությամբ ծրագրին մասնակցում են թեմի բոլոր եկեղեցիների երիտասարդաց միությունների անդամները:

Խաչվերացի տոնն Արարատյան Հայրապետական թեմում

Սեպտեմբերի 13-ին Հայ Առաքելական Սուրբ եկեղեցին նշում է Խաչվերացի տոնը: Տոնի առթիվ ԱՀԹ մի շարք համայնքներում կիրականացվեն տոնական միջոցառումներ և սիրո ճաշ:

Խաչվերացի նախօրեին՝ սեպտեմբերի 12-ին

ժամը 8.30-ին

Բյուրավանի Ս.Գրիգոր Լուսավորիչ եկեղեցու համայնքը ուխտի կմեկնի Նշավան: Այստեղ նախատեսվում է մատաղի հյուրասիրություն: Ուխտավորները  Զնջրլու  գյուղի Ս. Սարգիս եկեղեցու տարածքում  եկեղեցու  պահպանման համար պարիսպ կկառուցեն:

Մալաթիայի ս.Աստվածածին եկեղեցու համայնքը ուխտի կմեկնի Շեննիկի Մազարա գյուղի Ս. Խաչ եկեղեցի

ժամը 16:30-18:30,

ԱՀԹ երիտասարդաց միությունները Ս. Խաչի տոնի նախօրեին Երևանի Տիգրան Մեծ պողոտայի կանգառներում իրականացնելու են խաչի քարոզ. երիտասարդները խաչեր են բաժանելու երթուղային տաքսիների և ավտոբուսների վարորդներին՝ վերցնելով նրանցից աչքուլունքները, ուղևորներին ու անցորդներին նվիրելու են Ս. Խաչի տոնի խորհրդի մասին պատմող թերթոններ:

ժամը 17.00-ին,

Էրեբունի համայնքի  կիսակառույց  եկեղեցու բակում հոգևոր հովիվ Տ. Զգոն քահանա Աբրահամյանը բաց դաս կանցկացնի Խաչվերացի տոնի մասին: Հանդիպման ավարտին մասնակից երեխաներին նվերներ, փաթեթներ կբաժանվեն:

ժամը 18.00-ին

Հանդիսավոր տոնական խաչերթ կիրականացվի Արարատ քաղաքի կառուցվող եկեղեցու հիմքերի մոտից դեպի Արարատի Ս.Հակոբ եկեղեցի:

Արարատի Ս. Հակոբ եկեղեցու հոգևոր հովիվ Տ. Դավիթ քահանա Սահակյանի գլխավորությամբ ՝ եկեղեցու համայնքը, Արարատ քաղաքի  դպրոցների աշակերտները և այլ ուսումնական հաստատությունների սաները, ուսանողները, Արարատի  քաղաքապետարանի, բժշկական կենտրոնի աշխատակիցներըը, Արարատ համայնքի գյուղապետարանի աշխատակազմը, մարզի N զորամասի զինվորները և Արարատի մարզի պատանի երկրապահները խաչով, խաչվառով և զինվորական նվագախմբով կքայլեն դեպի Արարատ համայնքի Ս. Հակոբ եկեղեցի:

Մասնակիցները ճանապարհին կբաժանեն Ս. Խաչի տոնի խորհդի մասին պատմող թերթոններ: Ս. Հակոբ եկեղեցում կկատարվի Անդաստանի արարողություն և պահպանիչ աղոթքով կավարտվի նախաձեռնությունը:

ժամը 22.00-1.00-ին,

Սուրբ Երրորդություն եկեղեցում տեղի կունենա Հսկման արարողություն:

Խաչվերացի տոնին հավարտ Ս. Պատարագի

ժամը 14.00-ին,

Նոր Նորքի Ս.Աստվածածին  եկեղեցու բակում նախատեսվում է սիրո ճաշ և տոնական միջոցառում: Հանդես կգան Երևանի 106 դպրոցի նժդեհիկները ազգային պարերով:

ժամը 13.00-ին,

Նորագավիթի Ս.Գևորգ եկեղեցում  նախատեսվում է սիրո ճաշ և միջոցառում եկեղեցու կիրակնօրյա դպրոցի սաների մասնակցությամբ:

Ս.Հովհաննես եկեղեցիու համայնքը ուխտի կմեկնի  Դարալագյազի Ս. Խաչ եկեղեցի:

ժամը 13.00-ին,

Մալաթիայի Ս.Աստվածածին եկեղեցում նախատեսվում է խաչապտույտ  եկեղեցու հարակից փողոցներով, այնուհետև տեղի կունենա միջոցառում՝ տիկնանց միության կազմակերպած «Երջանկության գաղտնիքը» խորագրով:

ժամը 13.00-ին,

Քանաքեռի Ս.Հակոբ  եկեղեցու բակում  տեղի կունենա միջոցառում՝ Քանաքեռ- Զեյթուն վարչական շրջանի աջակցությամբ:

ժամը 15.30-ին,

Նոր Նորքի Ս. Սարգիս եկեղեցու  բակում նախատեսվում է համերգային ծրագիր՝ Մայր Աթոռ Սուրբ Էջմիածնի և ՀԲԸՄ Նոր Նորքի Հայորդաց տան «Նարեկ» և  «Հայկազունք» պարային համույթների, կրկեսային դպրոցի սաների, Գինոսյանի դպրոցի դհոլահարների խումբի մասնակցությամբ:

ժամը 13.00-ին,

Նուբարաշենի Ս.Նահատակաց եկեղեցու բակում նախատեսվում է համերգային ծրագիր Նուբարաշեն վարչական շրջանի  Մշակույթի տան և մանկապարտեզի սաների մասնակցությամբ:

ժամը 13.30-ին,

Բյուրավանի Ս.Գրիգոր Լուսավորիչ եկեղեցու բակում  նախատեսվում է սիրո ճաշ և համերգային ծրագիր Գարեգին, Հարություն և Բարեղամ երաժիշտների մասնակցությամբ:

ժամը 10.00-ին

Արգավանդի Ս. Սարգիս եկեղեցու համայնքը հոգևոր հովվ Տ. Գրիգոր քահանա Հովհաննիսյանի գլխավորությամբ Արգավանդի խաչմերուկից թափորով կքայլի դեպի եկեղեցի և հավարտ Ս. Պատարագի  միջոցառում կիրականացնի եկեղեցու երիտասարդաց միության մասնակցությամբ:

ժամը 17.00-ին,

Վերին Արտաշատի Ս.Աստվածածին եկեղեցու համայնքը ուխտի կմեկնի  Նորաշեն գյուղի խոնարհված Ս. Հովհաննես եկեղեցի, որտեղ նախատեսվում է սիրո ճաշ և համերգային ծրագիր:

ժամը 13.00-ին,

Վեդու ս.Աստվածածին եկեղեցու  բակում նախատեսվում է  մատաղի հյուրասիրություն և  տոնախբություն համայնքի երգի- պարի խմբերի մասնակցությամբ

ժամը 13.00-ին,

Մխչյանի Ս.Հովհաննես եկեղեցու բակում նախատեսվում է սիրո ճաշ և  տոնական միջոցառում՝ եկեղեցու պարի խումբի մասնակցությամբ:

Հանդիսավոր խաչերթ Արարատի մարզում

Ս. Խաչի տոնի նախօրեին՝ սեպտեմբերի  12-ին՝ ժամը 18.00-ին, Արարատ քաղաքի կառուցվող եկեղեցու հիմքերի մոտից դեպի Արարատի Ս.Հակոբ եկեղեցի հանդիսավոր տոնական խաչերթ կիրականացվի ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի օրհնությամբ:

Արարատի Ս. Հակոբ եկեղեցու հոգևոր հովիվ Տ. Դավիթ քահանա Սահակյանի նախաձեռնությամբ եկեղեցու համայնքը, Արարատ քաղաքի  դպրոցների աշակերտներ և այլ ուսումնական հաստատությունների սաներ, ուսանողներ, Արարատի  քաղաքապետարանի, բժշկական կենտրոնի աշխատակիցները, Արարատ համայնքի գյուղապետարանի աշխատակազմը, մարզի N զորամասի զինվորները և Արարատի մարզի պատանի երկրապահները խաչով, խաչվառով և զինվորական նվագախմբի ուղեկցությամբ կքայլեն դեպի Արարատ համայնքի Ս. Հակոբ եկեղեցի:

Մասնակիցները ճանապարհին կբաժանեն Ս. Խաչի տոնի խորհրդի մասին պատմող թերթոններ: Ս. Հակոբ եկեղեցում կկատարվի Անդաստանի արարողություն և պահպանիչ աղոթքով կավարտվի նախաձեռնությունը:

Արարատյան Հայրապետական թեմի տեղեկատվական բաժին