Էլեկտրաէներգիայի թանկացման դեմ պայքարող «Ոչ թալանին» նախաձեռնությունը, որը այսօր՝ սեպտեմբերի 11-ին, հավաք-երթ էր անցկացնում Երևանում, երթի ժամանակ շեղվեց նախապես հայտարարած երթուղուց և Մաշտոցի պողոտայից կտրուկ փոխեց ճանապարհը, ակտիվիստները վազեցին Բաղրամյան պողոտա:
Ոստիկանները փորձեցին կասեցնել ակտիվիստների առաջխաղացումը, սակայն չհաջողվեց: Ակտիվիստները հասան Բաղրամյանի այն տարածք, որտեղ հունիս ամսին կառուցել էին իրենց բարիկադները և նստացույց արել: Սակայն այստեղ հանդիպեցին մի քանի շարք կազմած ոստիկանական պատին և կանգ առան:
Ակտիվիստների առաջին շարքերը միանգամից նստեցին գետնին, նրանք վանկարկում են «Ջուր ենք ուզում», «Նստացույց»: Երևանի փոխոստիկանապետ Վալերի Օսիպյանը զգուշացրել է, որ կարգի կհրավիրի հասարակական կարգը խախտողներին՝ հիշեցնելով, որ նրանց երթը արտոնվել է մեկ այլ երթուղով, որում Բաղրամյան պողոտան չի եղել: Բաղրամյան պողոտան կրկին փակ է, երթևեկությունը` դադարեցված։
Հիշեցման կարգով ասենք, որ «Ոչ թալանին»–ին են միացել «Հիմնադիր խորհրդարանի», «Ոտքի Հայաստանի» անդամները:
Ըստ քաղաքապետարանի արտոնագրի՝ երթը պետք է անցկացվեր Սայաթ-Նովա, Աբովյան, Ամիրյան փողոցներով և Մաշտոցի պողոտայով, կավարտվի Ազատության հրապարակում:
Նախաձեռնությանը վրդովեցրել է, որ չնայած նախագահը հայտարարել էր, որ ամբողջ բեռը պետությունը կվերցնի իր վրա, բայց վարչապետը հայտարարել էր, որ սուբսիդավորում կտրամադրի միայն քաղաքացիներին և մինչև 500 կվտ էներգիա ծախսող ՓՄՁ-ներին։
Նախաձեռնության անդամներն իրենց խաբված են զգում։
Ոստիկանությունը կոչ է անում ազատել Բաղրամյան պողոտան, հակառակ դեպքում ստիպված կլինի հարկադրաբար դուրս բերել ցուցարարներին։
Ոստիկանությունը ժամանակ է տվել ցուցարարներին ազատել Բաղրամյան պողոտան և զգուշացնում է՝ չենթարկվողները կենթարկվեն պատասխանատվության:
- 15:10Թուրքիայի կայսերական հավակնությունները՝ նավթի եւ գազի դեֆիցիտի պայմաններում. «Ամերիկայի ձայնը»
- 14:10ՌԴ պաշտպանության նախարարությունը որոշել է էապես նվազեցնել ռազմական ակտիվությունը Կիևի և Չեռնիգովի ուղղություններում
- 12:10Սոչի քաղաքի վարչակազմն արթնացե՞լ է. Քաղաքապետարանը որոշել է նշել հայերի նկատմամբ ադրբեջանցիների հաղթանակի օրը
- 12:10Կրասնոդարում Հայաստանի քաղաքացիները մեղադրվում են 30-ամյա կնոջ առեւանգման մեջ
- 17:29Ռուսաստանյան նախօրեի ցույցերն ամենամարդաշատն էին ԽՍՀՄ փլուզումից ի վեր
- 17:32Պուտինը հարկ չի համարում միջուկային հարված հասցնել ԻՊ դիրքերին, քանի որ…
- 14:13Ողբերգական դեպք Երևանում. մայրը հայտնաբերել է 29-ամյա աղջկա կախված դին
- 17:48Փարիզում տեղի ունեցածը սպասելի էր
- 11:35«Նրանք կրակում էին ուղիղ ժողովրդի վրա՝ բացականչելով. «Ալլահ աքբար». Փարիզի ահաբեկչություն (լուսանկարներ)
- 11:15Ֆրանսիայի մայրաքաղաքում նախագահի հրամանով ատրակարգ դրություն է հայտարարված