Նախագահ Սերժ Սարգսյանն այսօր ընդունել է Հայաստանում Եվրոպայի խորհրդի գրասենյակի նորանշանակ ղեկավար Նատալյա Վուտովային:
Հանրապետության Նախագահը շնորհավորել է տիկին Վուտովային՝ մեր երկրում գործունեությունն սկսելու կապակցությամբ և մաղթել հաջողություններ: Ընդգծելով Եվրոպայի խորհրդի կարևոր և ուրույն տեղը Եվրոպայի ընդհանուր ճարտարապետության մեջ՝ Սերժ Սարգսյանը նշել է, որ Հայաստանը, որպես ԵԽ անդամ երկիր, հետաքրքրված է ԵԽ բոլոր կառույցների հետ համագործակցությամբ:
Նախագահի խոսքով, ԵԽ չափանիշները՝ մարդու իրավունքների, ժողովրդավարության, օրենքի գերակայության ոլորտներում, Հայաստանի համար լավ ուղենիշներ են, և մեր երկիրը հասել է որոշ արդյունքների՝ որպես ԵԽ անդամ և որպես այդ անդամակցությամբ պարտավորություններ ունեցող պետություն, որը փորձում է կատարել ստանձնած պարտավորությունները:
ՀՀ Նախագահը և Հայաստանում ԵԽ գրասենյակի ղեկավարը համակարծիք են եղել, որ Հայաստանը, որպես ԵԽ անդամ երկիր, ակտիվ մասնակցություն ունի կազմակերպության աշխատանքներին բոլոր մակարդակներում:
Հանրապետության Նախագահը բարձր է գնահատել ԵԽ աջակցությունը մեր երկրում ընթացող ժողովրդավարական բարեփոխումներին և ներկայացրել մի շարք ուղղություններով երկրում իրականացվող բարեփոխումների ընթացքը՝ անդրադառնալով նաև Վենետիկի հանձնաժողովի հետ սերտ համագործակցությամբ իրականացվող ՀՀ սահմանադրական բարեփոխումների գործընթացին: Նատալյա Վուտովան ընդգծել է, որ ԵԽ-ն սատարում է Հայաստանին՝ երկրում բարեփոխումների իրականացման և ժողովրդավարության ամրապնդման ճանապարհին:
Հայաստանում ԵԽ գրասենյակի ղեկավարը գոհունակությամբ է խոսել ԵԽ նախարարների կոմիտեի նախագահությունում 2013 թվականին Հայաստանի նախագահության մասին, ընդգծելով, որ վեցամսյա ժամկետում բարձր մակարդակով և պատվով իրականացված Հայաստանի առաքելությունը, սահմանված գերակայությունները ԵԽ-ում արժանացել են նաև կազմակերպության ղեկավարության դրական գնահատականներին: Նրա խոսքով, հաջողությամբ իրականացված այդ նախագահությունը կմնա ԵԽ-ի պատմության մեջ:
Նատալյա Վուտովան հույս է հայտնել, որ նկատի առնելով ԵԽ-ի հետ Հայաստանի արդյունավետ համագործակցությունը և մինչ այժմ ՀՀ-ԵԽ գործողությունների ծրագրի իրականացման ընթացքում արձանագրված դրական արդյունքները, ԵԽ-ի գործողությունների նոր ծրագիրը ևս նույնպիսի հաջողությամբ կիրականացվի:
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը