2014 թվականին Պաշտպանի Բռնությունների կանխարգելման ազգային մեխանիզմի (ԲԿԱՄ) փորձագետները ՔԿՀ-ներ այցելությունների ընթացքում ականատես են եղել որոշ խցերում աղտոտվածության, ծայրահեղ վատ սանիտարահիգիենիկ պայմանների:

Այս մասին ասված է ՄԻՊ տարեկան զեկույցում: «Նուբարաշեն» ՔԿՀ-ում մի շարք ազատազրկվածներ բողոքել են խցերում առկա միջատներից, որոնք խայթում են իրենց ձեռքերն ու ոտքերը, «Երևան-Կենտրոն» ՔԿՀ-ում դեռևս չկան երկարատև տեսակցության սենյակներ, և ըստ Արդարադատության նախարարության, նշված խնդիրը չի ստանում իր լուծումը շենքային պայմանների պատճառով: Ոչ բավարար շենքային պայմանների պատճառով որոշ խցերում զուգարաններն առանձնացված չեն:

«Վարդաշեն» ՔԿՀ-ում լրակազմը սահմանված է՝ 154, սակայն ՄԻՊ աշխատակիցների այցի պահին այնտեղ փաստացի գտնվել է 214 ազատազրկված, «Կոշ» ՔԿՀ-ում լրակազմը սահմանված է 640, սակայն այցի պահին փաստացի գտնվել է 739 ազատազրկված, «Սևան» ՔԿՀ-ում լրակազմը սահմանված է 548, մինչդեռ՝ այցի պահին այնտեղ փաստացի գտնվել է 593 ազատազրկված անձ, «Հրազդան» ՔԿՀ-ում լրակազմը սահմանված է 215, սակայն այցի պահին փաստացի գտնվել է 237 ազատազրկված:

Բացի դրանից՝ «Նուբարաշեն» ՔԿՀ-ի խցերից մեկում այցի պահին պահվել է 18 ազատազրկված անձ, չնայած խցում տեղադրված է եղել ընդամենը 12 մահճակալ:

2014 թվականի ընթացքում գրանցվել են սննդամթերքի որակի, պահման պայմանների, տրամադրման կարգի, ինչպես նաև պատրաստվող ճաշերի բազմազանության պահանջի տարբեր խախտումներ: Զեկույցի համաձայն, «Կոշ» ՔԿՀ-ում ճաշը նախապատրաստվել է 470 անձի համար, սակայն պահեստից դուրս է գրվել 739 անձի համար նախատեսված սննդամթերք: Բացի այդ՝ պահպանված սննդի օրինակների վրա ժամկետ նշված չի եղել, սննդամթերքի պահման սառնարանային սենյակներում ոչ միշտ են պահպանվել սանիտարահիգիենիկ անհրաժեշտ պայմանները:

Իսկ «Դատապարտյալների հիվանդանոց» ՔԿՀ կատարած այցի ժամանակ սննդի համտեսման և որակի վերահսկման մատյանում նախապես ստորագրված է եղել ճաշի և ընթրիքի համար, որոնք դեռ պատրաստված չեն եղել: Սննդամթերքի պահպանման կամ պատրաստման նկատմամբ ոչ լիարժեք վերահսկողության արդյունքում, 2014 թվականի մայիսին «Աբովյան» ՔԿՀ-ում արձանագրվել էր թունավորման դեպք, որի կապակցությամբ Նախարարության կողմից իրականացվել է ծառայողական քննություն:

Պաշտպանի աշխատակները բացահայտնենաև դատապարտյաների զբոսնքի իրավունքի խախտմադեպքեր: Օրինակմյներում արձանագրված է եղել, որիաժամանակ մեծ թվով ազատազրկվածներ հրաժարվել են զբոսանքից, բայց գրառման դիմաց բացակայել են նրանց ստորագրությունները: Մի շարք դեպքերում չեն նշվել նաև զբոսանքից հրաժարված անձանց տվյալները: