Ստամբուլահայ հայտնի ճարտարապետ Զաքարիա Միլդանօղլուն Ստամբուլի հայկական «Ակոս»-հրապարակած իր հոդվածում անդրադարձել է թուրքական պետության «անվերջանալի խաղերին»

Միլդանօղլուն նշել է, թե Չանաքքալեի ճակատամարտը նշելու ամսաթվի ընտրությունն ու դրա շուրջ ծավալվող վեճերը հիշեցնում են տարիներ առաջ Աղթամարի Սուրբ Խաչ եկեղեցու վերաբացման ամսաթվի հետ կապված պատմությունը։

Միլդանօղլուն պատմել է, որ Պոլսո հայոց պատրիարք Մեսրոպ Մութաֆյանի առաջարկով մասնակցել է Աղթամարի Սուրբ Խաչի վերականգնմանը եւ մի անգամ էլ Աղթամարում բազմաթիվ լրագրողների հետ հարցազրույցում պնդել է, որ 1915-ին տեղի ունեցածը ցեղասպանություն է։

Ըստ ստամբուլահայ ճարտարապետի՝ այն ժամանակ իրենք մամուլից տեղեկացել էին, որ թուրքական իշխանությունները պատրաստվում են Աղթամարի բացումն իրականացնել հենց ապրիլի 24-ին, ինչը անհանգստացրել էր նաեւ Պոլսո հայոց պատրիարքին, ով հայտարարել էր, որ եթե այդ լուրը ճիշտ է, ապա ոչ ինքը, ոչ էլ որեւէ հայ չի  մասնակցի Սուրբ Խաչի բացմանը։

«Սրանից 8 տարի առաջ ապրիլի 24-ին Աղթամարի բացման ջատագով պետական մտածելակերպը հիմա էլ նույն օրը Չանաքքալեի ճակատամարտի զոհերի հիշատակն է հարգում»,-գրել է Միլդանօղլուն։