Հայ առաքելական եկեղեցու վիրահայոց թեմն ուսումնասիրել է Հայաստանի ազգային արխիվն ու առաջին անգամ Վրաստանի կառավարությանը ներկայացրել մինչև Խորհրդային կարգերի հաստատումը Վրաստանում գործած հայկական եկեղեցիների ստույգ թիվը: Վրաստանի կառավարության կրոնական հարցերով զբաղվող պետական գործակալությանն ուղարկված նամակում թեմը ներկայացրել է համապարփակ տեղեկատվություն Վրաստանում մինչև խորհրդային կարգերի հաստատումը գործած 442 եկեղեցիների մասին:
«Արմենպրես»-ի հետ զրույցում Հայ առաքելական եկեղեցու Վրահայոց թեմի մամուլի խոսնակ Սուսաննա Խաչատրյանն ասել է, որ մինչ այդ թեմը Վրաստանի կառավարությանը ներկայացրել էր միայն գործող եկեղեցիների ցանկը:
«Այս ցուցակում ներառված են Վրաստանի հայկական բոլորը եկեղեցիները` գործող, խոնարհված, արդեն փլատակների վերածված և վրացականացված: Այս կերպ թեմը Վրաստանի կառավարությունից պահանջում է ետ վերադարձնել իրեն պատկանող սեփականությունը` հաշվի առնելով այն հանգամանքը, որ Վրաստանի ներկայիս պետությունը Խորհրդային Վրաստանի իրավահաջորդն է: Եկեղեցիները քանդվում են, ավերվում: Ժամանակն իր ազդեցությունն է թողնում նրանց վրա, և եթե այդ կառույցների պահպանության համար միջոցառումներ չձեռնարկվեն` տարիներ անց այդ եկեղեցիները չեն լինի: Անհրաժեշտ է հոգալ դրանց մասին, և թեմը պահանջում է այդ եկեղեցիների վերադարձ` դրանց մասին հոգ տանելու ցանկությունից դրդված»,- ասել է Սուսաննա Խաչատրյանը` հավելելով, որ Վրաստանի կառավարությունից ստացել են պատասխան, որ հարցով զբաղվում է Կրոնական հարցերով պետական գործակալությունը, և իրենք քննում են հարցի պատմական եւ իրավական դրույթները:
«Հույս ունենք, որ հարցը կգտնի արդարացի լուծում, և թեմը կկարողանա տեր կանգնել այդ եկեղեցիներին»,- ասել է Սուսաննա Խաչատրյանը:
Վերջինիս փոխանցմամբ` մեկ տարվա ձգձգումներից հետո Վրաստանի կառավարությունը մասնակիորեն կատարել է դեռևս նախորդ տարվա հունվարին կառավարության ընդունած որոշումը, համաձայն որի Վրաստանում գործող կրոնական բոլոր փոքրամասնությունները պետք է փոխհատուցում ստանան խորհրդային տարիներին կրած ճնշումների և արգելքների համար:
«Նախնական գումարը 4.5 միլիոն լարի էր, հետո` 3.5 միլիոն, վերջում այդ գումարը դարձավ 1.5 միլիոն: Գումարը բաշխվեց կրոնական մի քանի համայնքների միջև և Վիրահայոց թեմին հասել է 300.000 վրացական լարի»,- նշել է Սուսաննա Խաչատրյանը` հավելելով, որ այդ գումարը կծախսվի թեմի կարիքները հոգալու համար:
tert.am
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը
- 11:10Պատմական չվերթ Երևանից Վան