Դեկտեմբերի 22-ին ՀՀ ԱԺ Հայաստան-Իրան բարեկամական խմբի ղեկավար Վահրամ Բաղդասարյանը հանդիպել է «Իրան-Հայաստան բարեկամության միություն» հասարակական կազմակերպության գործադիր տնօրեն Սեյյեդ Մոհամմադռեզա Դամավանդիի և նրան ուղեկցող անձանց հետ:
Ողջունելով հյուրերին՝ Վահրամ Բաղդասարյանն անդրադարձել է հայ և իրանցի ժողովուրդների դարավոր բարեկամությանն ու ընդգծել միմյանց կապող արժեքներն ու ընդհանրությունները: Նա շնորհակալություն է հայտնել իրանական կողմին՝ հայկական համայնքի նկատմամբ ցուցաբերած ջերմ վերաբերմունքի, ինչպես նաև մշակութային արժեքների պահպանությանն ուղղված քաղաքականության համար: Անդրադառնալով երկու ժողովուրդների դարավոր բարեկամությանը՝ զրուցակիցներն անհրաժեշտ են համարել առավել սերտացնել մշակութային կապերը, խորացնել և ամրապնդել առևտրատնտեսական հարաբերությունները:
«Իրան-Հայաստան բարեկամության միություն» հասարակական կազմակերպության գործադիր տնօրեն Սեյյեդ Մոհամմադռեզա Դամավանդին տեղեկացրել է, որ կազմակերպությունը հաջորդ տարի նախատեսել է իրականացնել մի շարք ծրագրեր և սեմինարներ՝ նվիրված հայ և իրանցի ժողովուրդների բարեկամությանը: Ծրագիրը կրում է «Պատմություն. պլյուս 25» խորհրդանշական անվանումը և ընդգրկելու է տարբեր ոլորտներ: ԱԺ Հայաստան-Իրան բարեկամական խմբի ղեկավար Վահրամ Բաղդասարյանը պատրաստակամություն է հայտնել աջակցելու ծրագրերի իրականացմանը և ներկայացրել է առաջարկներ:
Զրույցի ընթացքում անդրադարձ է եղել նաև Հայոց ցեղասպանության 100-ամյա տարելիցին նվիրված միջոցառումներին. Վահրամ Բաղդասարյանն իրանցի հյուրերին հրավիրել է մասնակցելու այդ միջոցառումներին, ինչը սիրով ընդունվել է: Այս համատեքստում Սեյյեդ Մոհամմադռեզա Դամավանդին ասել է, որ Իրանում արդեն կազմակերպվել ու առաջիկայում ևս նախատեսվում են Հայոց ցեղասպանության զոհերի հիշատակին նվիրված ցուցադրություններ և միջոցառումներ:
- 14:10Հայաստանի և Ադրբեջանի սահմանի մոտ ամերիկյան հետախուզական ինքնաթիռ է նկատվել
- 13:10Պաշտոնապես ոչինչ չհայտարարվեց 10 ռազմագերիների վերադարձի առնչությամբ տեղի ունեցած բանակցությունների մասին. Աբրահամյան
- 13:10«Կատարել եմ քո ցանկությունը, տեր իմ». ըստ Սոս Հակոբյանի՝ Վանեցյանի մասին հայտարարություններից հետո, Ալեն Սիմոնյանը զեկուցել է Փաշինյանին
- 15:10Ն. Փաշինյանին և Վ. Դումանյանին լքել է բովանդակության գիտակցման զգացումը
- 15:10Ադրբեջանը մեր օդային տարածքով ահաբեկիչներ չի՞ տեղափոխում Նախիջևան. Ղազինյանը՝ Սարգսյանին
- 12:10Համաձայն չենք Ադրբեջանի նախագահի ձևակերպման հետ, թե եռակողմ հայտարարության բոլոր կերտերը կատարվել են, առկա է գերիների խնդիր
- 11:10Պուտին-Փաշինյան-Ալիև եռակողմ հանդիպման արդյունքներով ընդունված հայտարարությունը
- 13:10Պարզ էր, որ Բաքուն չէր բավարարվի պարզապես ղարաբաղյան հակամարտության լուծմամբ. ՌԴ Պետդումայի պատգամավոր
- 12:10Բրյուսելում Փաշինյան-Ալիեւ սպասվող հանդիպումը Մոսկվային չի անհանգստացնում, որոշումներ Սոչիում կարող են կայացվել. Սիլաեւ
- 15:10Փաշինյանը հայ հասարակությանը նախապատրաստում է ծանր զիջումների. եթե միջանցք չի լինելու, ինչու է Ադրբեջանի և Նախիջևանի կապը առանձնակի շեշտվում