Դոլարի կուրսի կտրուկ տատանումը հանգեցրեց մի շարք խնդիրների որոնցից ամենաակնառուն, համենայնդեպս ժողովրդի համար, մնաց չպատճառաբանված թանկացումը: Մեր ընթերողները համոզված են, որ այս ամենն ընդամենը լավ կազմակերպված շոու էր թանկացումներ կատարելու և այն լղոզելով անցկացնելու համար:

Նրանք փաստում են. Էրեբունի վարչական շրջանում գտնվող «Մարկիզ» մարկետում թանկացած գները պահպանվում են՝ երեկվա դրությամբ որևէ ապրանքի գին չի իջել: Մեզ տեղեկացրեցին, որ օրինակ՝ «Անկոր» կարագի մեկ տուփը 730 դրամից դարձել էր 1000 դրամ և այն այսօր էլ նույն գինն ունի:

«Ուրարտու» մարկետում աղը դարձել է 180 դրամ, յուղի գները չկան, դրանք վաճառողները գնորդին ասում են ըստ պահի թելադրանքի, շաքարավազը հասել էր մինչև 700 դրամ, այժմ իջել է 480, մինչդեռ  Սիթի -ում այն այսօր 390 դրամ է: Ի դեպ գները, ըստ մեզ դիմած քաղաքացու, իջել են միայն Սիթի մարկետում:

Կա՞ որևէ վերահսկողություն, լինելո՞ւ է փոփոխություն, հարցնում են մարդիկ, որոնք նոր տարվա շեմին շվարած են: Սիթի հասնելու համար էլ լրացուցիչ գումարներ է պետք ծախսել, մինչ իրենց բնակավայրերի մոտ եղած կոնկրետ վերընշված երկու մարկետները գերշահույթներ ստանալու մոլուցքով, անում են այն, ինչ ուզում են: