Արդեն հայտնի է Շիրակի մարզում նոյեմբերի 10-ին տեղի ունեցած ողբերգական ավտովթարի հետևանքով զոհված բոլոր 7 քաղաքացիների ինքնությունը։

«Գազելի» վարորդ՝ Ռազմիկ Մկրտչյան (1955թ.), ուղևորներ Մարինե Նազարյան (1959թ.), Արամայիս Շիրազունի (1954թ.), Վանիկ Սարգսյան (1994թ.), Դավիթ Հարությունյան (1994թ.), ամուսիններ՝  Հաբեթ Սեդրակյան (1962թ.)  Գայանե Սեդրակյան (1965թ.)։

նշենք որ դեպքը տեղի է ունեցել նոյեմբերի 10-ի ժամը 19։15-ի սահմաններում,. Երևան-Գյումրի ավտոճանապարհի` Հոռոմ գյուղի խաչմերուկում մարդատար «Գազել» մակնիշի ավտոմեքենան բախվել է «Կամազ» մակնիշի բեռնատարին, ինչի հետևանքով «Գազելը» պայթել է։ Նախնական տեղեկություններով՝ վթարի պահին «Գազելի» մեջ եղել է 14 ուղևոր, որոնցից 7-ը տեղում մահացել են, իսկ 7-ը՝ տեղափոխվել բժշկական կենտրոն։ Փաստի առթիվ Շիրակի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի՝ 242-րդ հոդվածի 3-րդ մասի հատկանիշներով։ «Գազելին» բախված «Կամազ» մակնիշի բեռնատարի վարորդը՝ Մ.Վարդանյանը, ձերբակալված է:

Վերջին տվյալներով հիվանդանոցում գտնվող անձանց վիճակը կայուն է: Բժիշկները  մտահոգիչ են համարում միայն նրանցից մեկի վիճակը: