Հայաստանում գինեգործությունը հազարամյակների պատմություն ունի: Այսօր նոյմեբերի 7-ին գինու համազգային տոն է: Հնուց ի վեր Հայաստանը հայտնի է իր գինեգործներով, որոնց յուրօրինակ ավանդույթները պահպանվել են մինչ այսօր: Այս մասին կարելի է տեղեկանալ այնպիսի փիլիսոփաներից, ինչպիսիք են Հերոդոտը և Ստրաբոնը:

19-20 դարերում ակադեմիկոս Պետրովսկու կատարած պեղումները հաստատեցին այն փաստը, որ դեռ մ.թ.ա. 9-րդ դարում Հայաստանը զարգացած գինեգործական պետություն էր: Հատկապես սովետական ժամանակաշրջանում հայ գինեգործները գտնվում էին իրենց փառքի գագաթնակետում:

1940-85 թթ գինու արտադրությունն աճեց 9 անգամ, կոնյակինը’ 17 անգամ, իսկ սկսած 1960-86թթ շամպայն-գինիների արտադրությունն աճեց 10 անգամ: Դեռ 80-ականներին Հայաստանում ամեն տարի միջին հաշվարկով մթերվել է մոտ 210 հազ. տոննա խաղող, որից ստացել են 14-15 մլն. դեկալիտր գինի: Դրանից 2 մլն.-ը օգտագործվել է կոնյակի արտադրության մեջ, մնացած մասը’ գինեգործության մեջ: 80-ականներին Հայաստանն ապահովում էր ամբողջ ՍՍՀՄ-ում արտադրվող կոնյակի 25%, գինու 3% (5-6% թունդ գինիներ): Արտադրվող ապրանքի 3/4 արտահանվում էր առավելապես Ռուսաստան: Այդ ժամանակ հայկական գինեգործական ընկերությունները միավորված էին մեկ միավորման մեջ, որը կոչվում էր “Արարատ-տրեստ”:
Գինու արտադրության ավանդույթները զգուշորեն պահպանվում են երկար տարիների ընթացքում: Անհնար է հերքել այն փաստը, որ այսօր էլ շատ գյուղացիներ, ինչպես 3 հազարամյակ առաջ, վերամշակում են խաղող և գինի են ստանում հատուկ շինություններում’ հնձաններում:

Հայաստանում կան մի քանի տեսակի գինիներ, օրինակ՝ չոր կարմիր գինին խմում են մսային ուտեստների հետ, իսկ սպիտակ  գինին ավելի հաճելի է վայելել  սառը վիճակում, այն նաև օգտագործում են տարբեր ուտեստներ պատրաստեալու համար: Վարդագույն կիսաքաղցր գինին ավելի հաճելի է խմել աղանդերի հետ:

Տեղեկացնենք, որ գինեգործության զարգացման ու հատկապես արտահանման խթանման ծավալները մեծացնելու նպատակով գինեգործությունն ընդգրկված է Արտահանման խթանմանն ուղղված ռազմավարությունում, գերական հռչակված 11 ոլորտներից մեկն էլ հենց գինեգործությունն է, և խնդիր է դրաված 2020թ արտադրել 17,5 միլիոն լիտր գինի՝ շուրջ երեք անգամ ավելացնել գինու արտադրության ու արտահանման ծավալները: