Ինչ լավ կլիներ եթե Հայ Առաքելական Եկեղեցին այս տարի 1 կամ 3 օրով Համազգային Զղջման ու Ապաշխարհանքի Օր սահմաներ: Այսօր երբ աշխարհը կանգնած է նոր Արևելք-Արևմուտք հակամարտության շեմին իսկ մեր ազգի մեջ մենք ունենք արդարության ահավոր ծարավ օդի ու ջրի պես անհրաժեշտ է զղջալ ապրած ու գործած սխալի համար ու նոր սկիզբ ձևավորել: Ազգովի զղջալ, ինչպես Նինվեացիները՝ (կարդացեք սա խնդրում եմ http://bit.ly/WOVt6w) փրկվելով մոտալուտ կործանումից: Ես չգիտեմ թէ սա ինչպես կարող է իրականություն դառնալ, բայց անկեղծ աղոթքով հանդերձ, դիմենք մեր քահանաներին, եպիսկոպոսներին ու Ամենայն Հայոց Կաթողիկոսին այս գաղափար առաջարկի մասին եթե համամիտ էք:

Մայր Եկեղեցին կարող է 1-3 օր սահմանել այս տարի (որքան շուտ այնքան լավ), լուրը տարածել բոլոր թեմերով ու հայ մամուլով ու քաջալերել բոլոր հայորդիներին, ազգովի, բոլորս միասին, աղոթքով ու ծոմապահությամբ, զղջալ ու ապաշխարհել գործած սխալների համար ու այս գորշության միջից վեր հառնել որպես նոր մարդիկ, նոր ազգային միություն, դառնալով դեպի Աստված ու լցվելով եղբայրական սիրով:

Շատերը չեն ուզենա նման բան: Հակառակորդը չի ուզենա նման բան: Մարդու թշնամին չի ուզում մարդու զղջումը, բայց մեր հավատքի մեջ մարդը փրկվում է միայն ապաշխարհելով ու զղջալով փոխվելով, այլ ոչ թէ որևէ պատվիրանի արտաքին կատարմամք:

Եթե դուք կողմ էք, կամ համաձայն, խնդրում եմ տարածեք այս գրվածքն ու քաջալերեք ձեր ընկերներին տարածել: Գրեք ձեր տեսակետը, եկեք քննարկենք այպիսի մի բան ու եթե իսկապես դուք էլ համազգային զղջման ու իրար նկատմամբ ներողամտության, արդարության անհրաժեշտությունը տեսնեք, ապա գաղափարը հասցնենք հասարակության լայն շերտերին ու մեր եկեղեցական առաջնորդներին:

Արմեն Հարեյանի ֆեյսբուքյան էջից