Դարերով մարդ էակը տարուեր է շրջանառուող ԼՈԶՈՒՆԳՆԵՐՈՎ….ինչպէս՝ քրիստոնէական արժէքներ, դեմոկրատիա, մարդկային իրաւունքներ, մշակութային արժէքներ….բայց աշխարհը հետզհետէ կը դառնայ ՎԱՅՐԻ ԱՆՏԱՌԻ «օրէնքներով» կառավարուող աշխարհ, ուր ԻՐԱՒՈՒՆՔԸ ԿԸ ՊԱՏԿԱՆԻ ԶՕՐԱՒՈՐԻՆ…., ուր ՈՅԺՆ է որ կը խօսի, մանաւանդ նիւթականը, մամոնան…: Յանուն այդ ոյժին, մոռացութեան կը տրուին մնացեալ բարոյական-մարդկայնական արժէքները..: Այսօր, իսլամիստ ծայրայեղականները կը վայելեն քրիստոնեայ արեւմուտքին հովանաւորութիւնը եւ կը շարժին անոր նաւթային, տարածքային, թէ այլ ՇԱՀԵՐՈՒՆ ի նպաստ….ՀԱՊԱ Ո՞ՒՐ ՄՆԱՑԻՆ ԱՅՆ ԼՈԶՈՒՆԳՆԵՐԸ, որոնց համար իբր կը գործէր ան… ԱՆՈՆՔ ԴԱՐՁԱԾ ԵՆ ՍՈՍԿ ՇՐԹՈՒՆՔԻ ՄԱՐԶԱՆՔ ԵՒ ՈՒՐԻՇ ՈՉԻՆՉ….

***

Մարդ արարածը ԱԶԱՏ ըլլալու դատապարտուած է….Ի՛նքն է որ պիտի կերտէ իր կեանքը համաձայն իր բաղձանքներուն, ներքին մղումին, երազանքին, կամքի, ոգիի ոյժին, բանականութեան…: Ո՛չ մէկ գիրք թէ դասագիրք, ոչ մէկ ուսուցիչ թէ ծնողք կրնայ քեզի համար ԸՆՏՐՈՒԹԻՒՆՆԵՐ կատարել, որքան ալ անոնց խորհուրդները քեզ ներշնչեն, որոշ ուղղութիւն տան…: Դուն եւ միայն դուն պիտի կատարես քու ԸՆՏՐԱՆՔԴ, դուն եւ միայն դուն ՊԱՏԱՍԽԱՆԱՏՈՒ պիտի ըլլաս ԸՆՏՐԱՆՔԻԴ համար..: Շատեր խուսափելու կամ խուսանաւելու եզրեր կը գտնեն, այդ ազատութեան եւ պատասխանատուութեան բեռը չկրելու, զայն ուրիշին վրայ բարդելու համար…: Բայց կեանքը դարձեալ եւ դարձեալ կը հաստատէ այն անհերքելի ճշմարտութիւնը, որ մեզմէ ԻՒՐԱՔԱՆՉԻՒՐԸ, ուզենք կամ չուզենք, ԱԶԱՏ ԸԼԼԱԼՈՒ ԴԱՏԱՊԱՐՏՈՒԱԾ Է….

Երան Գույումջյանի ֆեյսբուքյան էջից