Չնայած առայժմ չկան հավաստի հրապարակված փաստեր «ՔԺԿ»-ի և իսլամականների համագործակցության մասին, բայց նկատելի է առնվազն լռելյայն համաձայնություն իրաքյան քրդերի «ՔԺԿ»-ին հարող հատվածի և ջիհադականների միջև երկրի կենտրոնական իշխանությունների վերահսկողությունից դուրս մնացած տարածքների «բաժանման» վերաբերյալ, ինչը ոչ միայն չի բացառում, այլև ավելի հավանական է դարձնում նաև կողմերի միջև հնարավոր գաղտնի պայմանավորվածությունները:

Այս համատեքստում բոլորովին էլ տարօրինակ չէ, որ իրականում, թե՛ «ՔԺԿ»-ին ենթակա «փեշմարգայի» ջոկատները և թե՛ «ԻՊ»-ի գրոհայինները Իրաքում խուսափում են միմյանց հետ զինված բախումներից՝ պահպանելով ճակատում առկա «բաժանարար գիծը», մինչդեռ Սիրիայի տարածքում՝ հատկապես «ՔԺԿ»-ի և «ՔԲԿ»-ի միջև հարաբերությունների սրման նոր շրջափուլի ֆոնին, ջիհադականներն, օգտագործելով Իրաքում ավարառած զինատեսակների ընձեռած առավելությունը, Հալեպի նահանգի Այն ալ-Արաբի (քրդ. Քոբանիի) շրջանում ինտենսիվ հարձակումներ են իրականացնում քրդական «Ժողովրդավարական միություն կուսակցության» զինված ջոկատների դեմ, որն իրականում Սիրիայում գործող «ՔԲԿ»-ի ճյուղավորում է՝ վերջին օրերին Այն ալ-Արաբ քաղաքի ուղղությամբ գրավելով մի քանի քրդաբնակ գյուղեր:

Վարդան Ոսկանյանի ֆեյսբուքյան էջից