Այսօր ՎԱՐԿԱԾ ակումբում հյուրընկալել էինք ինտրասենս, պարահոգեբան, հետազոտող Ռուբեն Բաբայանին, հետազոտող Վազգեն Գևորգյանին, «ARMUFO» կենտրոնի ղեկավարներ Հայկ Սանամյանին ու Աշոտ Թուրաջյանին:

Բանախոսները հայտնեցին, որ օգոստոսի 11-ից սեպտեմբերի 9-ը ՀԱՅԿ-ՕՐԻՈՆ-ն ուղղահայաց կանգնելու Տաթևի սյան վրա: Հենց այդ օրը՝ օգոստոսի 11-ին, Տաթևում տեղի կունենա միջազգային գիտափորձ:

Նրանք փաստեցին, որ ՀԱՅԿ-ՕՐԻՈՆԸ բոլորի համար եղել է բարձրագույնը. թեև միջազգային հետազոտողները գտնում են, թե առանցքը գտնվում է Եգիպտոսում, սակայն  զրոյական գոտին գտնվում է Հայաստանում՝ ավելի կոնկրետ Տաթևում:

«Արարման երկիր, Աստվածների երկիր, Զրոյական գոտի, Երկրային դարպասներ, ինչ անուն ուզում եք տվեք, դա Հայաստանում է՝ բոլոր մոլորակների մասշտաբով, որովհետև ժամանակը մեր մոլորակի համար պետք է գոյանա 1 կետից, ու դա Հայաստանն է: Հետազոտողները փնտրում են այդ կետը և սխալվում են, երբ ասում են, որ այն գտնվում է  Եգիպտոսում, ինչ է, թե այդ երկիրը գեոդեզիական առանցքում է, իրականում՝ հիմնակետը հանդիսանում է Տաթևի սյունը»,-մանրամասնեց հետազոտող Վազգեն Գևորգյանը:

Նրա տեղեկացմամբ, դա պայմանավորված է Հայաստանի ու ՀԱՅԿ-ՕՐԻՈՆԻ դիրքով:

«Աշխարհագրական կենտրոնը Հայաստանում է և Տիեզերքի հետ կապն ինքն է հաստատում, հետո սպիռալաձև ժամանակային և այլ դրույթներով տարածվում է աշխարհով մեկ»,-ընդգծեց Վազգեն Գևորգյանը:

Նա տեղեկացրեց, որ այդ փաստն արդեն հայտնի է միջազգային մասշտաբով, բանախոսի խոսքով, մոտ 200-ից ավել գիտնականների ուշադրության կենտրոնում է գտնվում Տաթևի սյունը և նրանք արդեն ցանկանում են գալ Հայաստան:

«Անցյալ տարի գիտափորձ է անցկացվել 5 երկրների շրջանում, որի արդյունքում գիտական թեզ է գրվել և ներկայացվել է 5 միջազգային գիտաժողովներում, ինչը նշանակում է, որ աշխարհն արդեն տեղյակ է այդ մասին: Այս տարի՝ օգոստոսի 11-ին Հայաստան է ժամանելու  աշխարհահռչակ հրապարակախոս-գրող Գրեն Հեկոնգին, նա հետազոտություններ է կատարում և եկել հասել է Օրիոնին ու կանգ առել: Նա գալու է Հայաստան, որպեսզի բացահայտումներ անի»,-ասաց Վազգեն Գևորգյանը:

«Հայկական վարկած»—ի այն հարցին, թե ինչքանո՞վ է մեր՝ հայերիս բախտը բերել և ինչպե՞ս կարող ենք օգուտ քաղել դրանից, հետազոտողը պատասխանեց. «Հայ ժողովուրդ ունի Մհեր, նա արդարությունն է, եթե  հայ ժողովուրդը չբացի դարպասները, դրանք կշարունակեն մնալ, բայց մեզ համար՝ փակ:  Մենք եթե չգիտակցենք, դարպասները չեն բացվի: Ամբողջ աշխարհը ստամոքսով է մտածում, այլ ոչ թե ուղեղով: Երբ աղավաղումներից դուրս ես գալիս, մտնում ես Տաթև՝ զոնա կա, որն ուղղուրդում է նայել աստղերին, ծառերին, ոչ մի ռադիո, ոչ մի հեռուստատեսություն քեզ չի խանգարում, և մարդու գիտակցությունը սկսում է աշխատել»:

Ինտրասենս, պարահոգեբան, հետազոտող Ռուբեն Բաբայանի խոսքով էլ, մենք ինչքան էլ ասենք, որ մեր Հայկն է, ուղղահայաց կանգնել է մեր դարաշրջանում, բայց եթե տեր կանգնող չկա, այն աննկատ կմնա:

Ռուբեն Բաբայանի տեղեկացմամբ, ՀԱՅԿ-ՕՐԻՈՆԻ վերջին անցումային փուլը տեղի է ունեցել 2012-ի օգոստոսին:

«Երբ Հալիձորում էինք, հետևում էինք հաճախականություններին,  տեղի ունեցավ տիեզերական մեծ փոփոխություն՝ կապված էներգիայի, ինֆորմացիայի, հաճախականության հետ:

«Օգոստոսի 11-ին, ՀԱՅԿ-ՕՐԻՈՆ-ի ուղղահայց գոտին կանգնեց այս տարածքի վրա, 22-ին էլ Սիրիուսը դուրս եկավ: Երբ ուղղահայաց կանգնում է, Շների համաստեղությունն այնպես է կանգնում, որ ոսպնյակի նման եկող-պտտվող հաճախականությունը ֆիլտրվում է, այսինքն տեղի է ունենում տիեզերական ամուսնությունը: Հետաքրքիրն այն է, որ 22-ին,Աստղիկ-Սիրիոսի դուրս գալուց հետո երևաց առանցքը»,- պատմեց Ռուբեն Բաբայանը:

«ARMUFO» կենտրոնի ղեկավար Հայկ Սանամյանն էլ ավելացրեց, որ հիմա՝ Ջրհոսի դարաշրջանում տեղի են ունենում մեծ փոփոխություններ՝ և աշխարհաքաղաքական, և սոցիալական, և գիտակցության արժեհամակարգային բնույթի, և այդ պայմաններում մեծ դեր ունի ընդհանրապես տեղեկատվությունը, քանի որ դրանից է ձևավորվում մարդու գիտակցությունը:

«Մենք նպատակ ունենք ամբողջացնել, սեմինարներով դասընթացների միջոցով  տեղեկացնել և մարդկանց հասու դարձնել այդ իրադարձությունները»,-նշեց նա:

Ի դեպ, նրանք, որոնք հնարավորություն չունեն Տաթևում գտնվել այդ օրը, կարող են Օրիոնի կանգնած վիճակին հետևել իրենց բնակարաններից օգոստոսի 10-ի լույս 11-ի գիշերը, ժամը՝ 4-ից սկսած՝ նայելով արևելք, սակայն, ըստ հետազոտողների, շատ կարևոր է, որ մարդիկ իրենց գտակցության մեջ ներառեն:

Ուղղահայաց պատկերը  կերևա մինչև սեպտեմբերի 9-ը: