Անիի մայրաքաղաք հռչակման 1050 ամյակի առիթով պետական հովանավորությամբ մի ֆիլմ էին նկարել, նոր էր սկսվել, երբ էկրանից հնչեց՝ ,,Քաղաքն ունեցել է 40 դուռ…,,։ Էլ չկարողացա նայել։ Հետո նույն ապսուրդ միտքը տեսա Վիկիպեդիա հանրագիտարանում ու դրանից օգտված այն ուսանողներիս մոտ, ովքեր Անիի մասին ավարտական աշխատանք կամ թեզ են գրում։ Ասում եմ, լավ, ասենք թե մի տեղ կարդացել եք, բա ձեր տրամաբանությունը որտե՞ղ է, եթե միջնադարյան քաղաքը 40 դուռ ունենա, էլ պարսպն ի՞նչ է անում։ Այսօր մեր միլիոնանոց մայրաքաղաքն ընդամենը 5 մուտք ունի…։ Վերջապես, Անիի պարիսպներն էլ հիմնականում կանգուն են, կարելի է տեսնել կամ հատակագծի վրա հաշվել։
Ի վերջո գտա, թե որտեղից է ծագում այդ միտքը. Մատթեոս Ուռհայեցու մի տեղեկությունից են ենթադրել, առանց էության մեջ խորանալու։ (Վաղն էլ այդ մասին կգրեմ)։
Նկարում՝ Անիի Դվնո (կամ Շախմատյաին) դուռը, լսնկ. 2013։

Կարեն Մաթևոսյանի ֆեյսբուքյան էջից