ԽԱՌՆԱՇՓՈԹ ԺԱՄԱՆԱԿՆԵՐ ԵՆ, ուր կարծէք ամէն ինչ խառնուեր է իրար….ազատութիւն, ինքնութիւն, հանդուրժողականութիւն, ճնշուածութիւն, աւանդական արժեհամակարգ….եզրոյթները տեղի-անտեղի կը գործածուին այս օրերուն, մանաւանդ եւրոտեսիլի բեմականացումէն ետք, ուր յաղթողին ինքնութիւնը դարձաւ հանրային բուռն քննարկումներու թիրախ…..Ամէն ինչ մոռցած, հայ հանրութեան ուշադրութեան սեւեռակէտը յանկարծ դարձաւ այս թեման….մօրուքաւոր աղջիկը յաղթող ճանչցուեցաւ…: Նպատակն ալ այս էր գուցէ՝ ուշադրութիւն գրաւել, եւ ճնշուած ինքնութեան մը հարցը բերել լայն քարոզչական դաշտ….Որքան ալ ինծի համար բաղձալի չէր տեսնել այս կերպարը, սակայն եթէ կայ ճնշուած ինքնութիւն, ես միշտ ալ, որպէս բռնութեան ենթարկուած ու ճնշուած ժողովուրդի մը զաւակը, պիտի կենայի այդ ՃՆՇՈՒԱԾԻՆ կողքին, ինչ ալ ըլլան անոր ինքնութեան տուն տուող պատճառները….ասիկա՝ զուտ ՄԱՐԴԿԱՅՆՕՐԷՆ, եւ ուրիշ ոչինչ:

***

նք միշտ ալ մեր ամէնէն կարեւոր, էական հարցերը թողած, կը զբաղինք երկրորդական, երրորդական….հարցերով, բուռն կը վիճաբանինք անոնց շուրջ, բամբասանքի եւ վիրաւորանքի նիւթ կը դարձնենք զանոնք շատ անգամ….Սա արդեօ՞ք նաեւ մեր բուն հարցերէն փախուստ տալու, զանոնք պարտկելու փորձ չէ….Վերջերս, օրինակ, բուռն քննարկումի խնդիր դարձաւ ՔՈՆՉԻԹԱՅԻ հարցը, անուանի մարդիկ զայն գտան «զզուելի», բայց նոյն այդ մարդիկը զզուելի չե՞ն գտներ արդեօք մեր երկրին մէջ տիրող աչք ծակող անարդարութիւնները, ապօրինութիւնները, սուտերն ու կեղծիքը, հազարադէմ անբարոյականութիւնները, որոնք ՃԱԿԱՏԱԳՐԱԿԱՆ խնդիրներ են՝ ազգային մեր լինելութեան, յարատեւման ու զարգացման համար….ՈՒՐԻՇԻՆ ԱՉՔԻՆ ՇԻՒՂԸ ՏԵՍՆԵԼԷՆ ԱՌԱՋ, ՊԻՏԻ ՏԵՍՆԵՆՔ ՄԵՐ ԱՉՔԻՆ ԳԵՐԱՆԸ….

Երան Գույումջյանի ֆեյսբուքյան էջից