Ինչպես գիտենք, Գալուստ Սահակյանը 101 կողմ, 3 դեմ ձայների հարաբերակցությամբ ընտրվեց ԱԺ նախագահ:
Այս փաստն, իհարկե, չէր կարող բուռն արձագանք չգտնել Ֆեյսբուքում: Այսպես, ներկայացնում ենք, մի քանի ուշագրավ գրառումներ.
Ստյոպա Սաֆարյան
101 կողմ և 3 դեմ ձայներով ԱԺ նախագահ է ընտրվել «Հանրապետական» խմբակցության ղեկավար Գալուստ Սահակյանը:
Այս թվերը ինչպես հասկանա՞նք….
ԱԺ-ում կա՞ ուժ, որը Գալուստ Սահակյանի՝ ԱԺ նախագահ նշանակվելը հաղթանակ է համարել ու դա արտացոլել է իր քվեարկության մեջ…
***
Գալուստ Սահակյանը թերևս ճիշտ էր, որ ասում էր, թե «աղերսվող ընդդիմախոսների» մերկությունը տեսել է և գիտի, թե այս դաշտում ո՞վ որտեղից է եկել ու ո՞ւր է հասել: Նա ունի 101 կողմնակից այս ԱԺ-ում: Քվեարկությունից «բացակա» մնացած 30 պատգամավորներից էլ դրան պետք է ավելացնել նրանց, ովքեր չէին կարող «դեմ» քվեարկել, որի պատճառով էլ գերադասել են չմասնակցել քվեարկությանը:
Կապիկություն: Այլ բառ չես գործածի այս երկու օրվա «շոու»-ի համար:
Արգիշտի Կիվիրյան
Այսօր Հայաստանի խորհրդարանը ձայների 101 կողմ, 3 դեմ հարաբերակցությամբ Ազգային ժողովի նախագահ ընտրեց Գալուստ Սահակյանին: Դե այս պարագայում ո՞վ ա անմեղսունակը, Գալուստ Սահակյանը, թե իրեն ձայն տված 101 պատգամավորները….
Կարեն Քոչարյան
Փաստորեն եթե հանրապետականները ամբողջ կազմով մասնակցեին քվեարկությանը Գալուստ Սահակյանը կարող էր 131 ձայն էլ ստանար
***
Այսուհետ ՀՀ ԱԺ-ում կա 4 ֆրակցիա` ՀՀԿ, ՀԱԿ, «Ժառանգություն» և « Գալուստի այլընտրանքային ֆանատներ»
***
Փաստորեն ողջ այս պատմության մեջ ամենաազնիվը Գալուստ Սահակյանը դուրս եկավ
***
Բոլորին հայտնի է որ շարքային ընտրողի ձայնն արժե 5000-10000 դրամ։ Հետաքրքիր է իսկ ի՞նչ արժե ընդդիմադիր պատգամավորի ձայնը։
Գարիկ Պետրոսյան
Կարդում եմ իմ հարգելի ընկերների գրառումները ու զարմանում: Տղերք, ինչ-որ նո՞ր բան է եղել: Ինչ-որ բան է եղել, որ անսպասելի՞ էր: Նորությո՞ւն: Ինչ-որ մեկդ ա՞յլ բան էիք սպասում: Անընդհատ գրում եք մեր խայտառակ քաղաքականության մասին, ու հիմա զարմանո՞ւմ: Եղավ այն, ինչ պետք է լիներ: ԱԺ նախագահ ընտրվեց ինչ-որ մեկը, իհարկե, ահավոր է, որ հենց այդ ինչ-որ մեկը, բայց դե մեծ հաշվով ընտրվելու էր այն ինչ-որ մեկը, որին ներկայացրել էին: Ես ուղղակի մտածում եմ՝ եթե մի օր առաջարկողը մի այլ կարգի շուլուխ անի ու որոշի, ասենք, որևէ պաշտոնում, ասենք, Փոցխի առաջադրել, սովորական գյուղատնտեսության մեջ օգտագործվող փոցխի: Միևնույն է, կողմ քվեարկողն էլի կողմ է քվեարկելու ու սեփական լեքսիկոնով գովերգելու է անշունչ փոցխին ու վերջինիս գերագույն բարոյական արժեքները:
Սա նորություն չէ: Ոչ էլ նորություն է, որ գեղեցիկ մթոմ ընդդիմադիր ճառերի ետևում հաճախ թաքնված են կոճակ սեղմիչները: Սա էլ նորություն չի: Սա էլ կանցնի կգնա: ՈՒ հենց առաջին կողմ քվեարկողները, իհարկե ոչ իշխանական, վաղվանից կսկսեն ընտրվածին քլնգելն ու բոցաշունչ ճառերը;
Այս ամենը ոչ նորություն է, ոչ անակնկալ:
Կրկին անգամ` Բարի գալուստ իրական կյանք
Արմեն Հովսեփյան
Եվ այսպես, վերջապես տեղի ունեցավ այն, ինչը դեռ մեկ ամիս առաջ անհնարին էր թվում, ու պատռվեցին բոլոր այն դիմակները, որոնք այդքան ջանասիրաբար կարվում էին խորհրդարանական ընտրություններից հետո:
Առաջարկում եմ սթափ գլխով, բայց ամենայն անկեղծությամբ հասկանանք, թե ի՞նչ էր նշանակում Գալուստ Սահակյանի՝ ԱԺ խոսնակ դարձնելը:
Փաստացի, ՀՀԿ-ն ցույց տվեց, որ Վանո Սիրադեղյանի պատգամներն ամենալավը հենց իրենց մոտ են սերտել, ու եթե Վանոն ասում էր, որ կարող են «պոլի փետին» էլ նշանակել, ապա ՀՀԿ-ն հանգիստ ապացուցեց, որ «պոլի փետը» դեռ ամենաանհեթեթ տարբերակը չէր: Եվ ոչ մի զարմանալու բան չկա, որովհետև հենց այս կուսակցությունն է իր շարքերում կենտրոնացրել ամենաանսկզբունքային, հակազգային ու թշնամական էլեմենտները, որոնց համար ոչ մի սրբություն ու պատիվ գոյություն չունի: Ուստի, հիմա աչքեր կլորացնելու կարիք չկա: Համաձայնենք՝ բոլորս էլ գիտակցում էինք, որ ՀՀԿ-ն ընդունակ է նման ստորության, ու Հայաստանի ամենահակակրելի, անգրագետ, ցինիկ և անկեղծ ու մաքուր ժողովրդական ատելությունը վայելող կերպարներից մեկին՝ Գալուստ Գրիգորիչին, կկարգեն ԱԺ խոսնակ:
Այս ողջ պատմության մեջ միակ՝ հարաբերականորեն զարմանալի պահը ԲՀԿ-ի դիմակի պատռվելն էր, որովհետև դրանում ախր ոչ մի տրամաբանություն չկա: Չէ՞ որ ՀՀԿ-ին իր ունեցած ձայներն էլ բավական էին Գալուստին ԱԺ նախագահի աթոռին տնգցնելու համար, բայց Գալուստը հավաքում է ոչ թե 70 ձայն, այլ՝ 101, և դա այն պարագայում, երբ ՀՅԴ-ն, Ժառանգությունը (բացի Արզումանյանից), ՀԱԿ-ը (բացի Փաշինյան-Բագրատյան դուետից) չեն մասնակցում քվեարկությանը: Այսինքն՝ ստացվում է, որ ԲՀԿ-ն գրեթե ողջ կազմով քվեարկել է Գալուստի օգտին՝ հաշվի առելով, որ մյուս թեկնածուն՝ Բագրատյանը, հավաքել է ընդամենը 3 ձայն՝ իր, Փաշինյանինը և Արզումանյանինը:
Դե ինչ, ժողովուրդ ջան, մեզ էլ թող սա լինի հերթական դասը, որ Հայաստանում ոչ մի առողջ քաղաքական ուժ գոյություն չունի, ու բոլորն էլ նույն սրիկայական համակարգն են ներկայացնում, և միակ դիմակայությունը զուտ աթոռակռիվն է և սեփական քսակները հաստացնելու տենչանքը:
Ի՞նչ ասեմ, եկեք թուլանանք, որ շարունակական բռնաբարությունից ձեռքի հետ գոնե մի քիչ հաճույք ստանանք: Չնայած անգամ բռնաբարությունը շատ մեղմ է ասված, երբ երկրիդ դե յուրե երկրորդ դեմքը Գալուստ Սահակյանի պես մեկն է:
Տիգրան Քոչարյան
Բա սենց «դուխով ու թասիբով» դեպուտատների գլխին բա էլ ով լինի, եթե ոչ Գալուստը
Վարուժան Բաբաջանյան
«Իսկ ինչու՞ եք որոշել, որ ես կամ մեկ ուրիշը քվեարկել ենք Գալուստ Սահակյանի օգտին, որևէ ցուցում չի եղել պատգամավորներին»:
Այո, այո~~~~, սրանք ԲՀԿ խմբակցության քարտուղար Նաիրա Զոհրաբյանի խոսքերն են…
Հարգելիս, հպարտությունս, պայքարի ազատամարտիկս, քաղաքականության մեջ միակս, խնդրում եմ, էդ եքյա ֆրակցիայով հանկարծ չփորձեք խցկվել էն երեքի մեջ: Մեկը հաստատ Բագրատյանն ա: Էն նվաղ երկուսի մեջ ահռելի ֆրակցիայի ջամդաքը չփորձեք խցկել:
Եթե, իհարկե, խցկողը Կառլեն Կառլենիչը չէ…
Էդգար Խաչատրյան
Ժողովուրդ, փնտրվում է մեր ընդդիմությունը:
Գալուստ Սահակյանը 101 քվե ունի: Հրանտ Բագրատյանը՝ 3….
- 15:10Բացի Սրբազանից վարչապետի այլ թեկնածուի քննարկումը բերելու է ակնհայտ քաղաքական խիստ տարաձայնությունների․ Մեսրոպ Առաքելյան
- 14:10Ադրբեջանի հետ լուռ աշխատելն ավելի արդյունավետ է. Լիլիթ Մինասյան (տեսանյութ)
- 12:10Կիրանցեցիներին ասել են՝ պետք է լքեք ձեր տները. Գառնիկ Դանիելյան
- 15:10Կիրանցում խնդիրներ ունենք. բայց մինչև այս պահը ինչ Հայաստանինն է՝ անցել է Հայաստանին, ինչ Ադրբեջանինն է՝ անցել է Ադրբեջանին
- 13:10Կանադահայոց թեմը հաղորդագրություն է տարածել Բագրատ Սրբազանի՝ Կանադայում պաշտոնավարելու տարիների վերաբերյալ
- 14:10Եթե սա է լեգիտիմությունը… ծիծաղելի է
- 13:10Եթե կամուրջն Ադրբեջանին անցնի, նորակառույց դպրոցում ոչ մի աշակերտ դաս չի անելու
- 12:10Գործողությունները լինելու են կետային, թիրախային. Բագրատ Սրբազան
- 11:10Ադրբեջանի իշխանությունները երկարաձգել են Լեռնային Ղարաբաղի գերեվարված նախկին առաջնորդների կալանքը
- 11:10Ռուս սահմանապահները հսկում են ՀՀ սահմանը Թուրքիայի և Իրանի հետ, Զվարթնոցի սահմանային անցակետը կփակվի. Բորտնիկով
18.05.2024 | 15:10
18.05.2024 | 14:10
18.05.2024 | 13:10
18.05.2024 | 12:10
18.05.2024 | 11:10
17.05.2024 | 15:10
17.05.2024 | 14:10
17.05.2024 | 13:10
17.05.2024 | 12:10
17.05.2024 | 11:10
16.05.2024 | 15:10
16.05.2024 | 14:10
16.05.2024 | 12:10
16.05.2024 | 11:10
15.05.2024 | 15:10
15.05.2024 | 14:10
15.05.2024 | 13:10
15.05.2024 | 12:10
15.05.2024 | 11:10
14.05.2024 | 15:10
14.05.2024 | 14:10
14.05.2024 | 13:10
14.05.2024 | 12:10
14.05.2024 | 11:10
13.05.2024 | 14:10
13.05.2024 | 13:10
13.05.2024 | 12:40
13.05.2024 | 12:10
13.05.2024 | 11:06
13.05.2024 | 11:04
11.05.2024 | 15:10
11.05.2024 | 14:10
11.05.2024 | 13:10
11.05.2024 | 12:10
11.05.2024 | 11:10
10.05.2024 | 15:10
10.05.2024 | 14:10
10.05.2024 | 13:10
10.05.2024 | 12:18
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.