Ի՞նչ կը հասկնանք ԱԶԳԱՅԻՆ ԳԱՂԱՓԱՐԱԽՕՍՈՒԹԻՒՆ եզրոյթով….Հայութիւնը իր ԱՄԲՈՂՋՈՒԹԵԱՆԸ մէջ ունի՞ այս եզրոյթով յստակօրէն սահմանուող հասկացութեան ԸՆԴՀԱՆՐԱԿԱՆ ըմբռնումը, որ ըլլայ բոլորին կողմէ ընդունելի, որ ըլլայ ԱԶԳԸ բնորոշող սկզբունքներու եւ արժէքներու, նպատակներու եւ տեսլականի ԱՄԲՈՂՋՈՒԹԻՒՆ, վերկուսակցական, վերհատուածական, ՀԱՄԱՀԱՅԿԱԿԱՆ…: Որո՞նք են ԱԶԳԱՅԻՆ ԳԱՂԱՓԱՐԱԽՕՍՈՒԹԵԱՆ բաղադրիչ հիմնատարրերը…., որոնց բոլորս ալ կը հաւատանք աներկբայօրէն, անվերապահօրէն…եւ որոնք կը բնորոշեն ՄԵԶ որպէս ՀԱՅ ԱԶԳ, անկախ ամէն ինչէ…., որոնք իրենց ընդհանրութեան մէջ մեզ կ’ընծայեն ՄԷԿ ԱԶԳ, որ ԺՈՂՈՎՈՒՐԴ հասկացութենէն շատ աւելին է…: Ահա այս ԱԶԳԱՅԻՆ ԳԱՂԱՓԱՐԱԽՕՍՈՒԹԻՒՆՆ է, որ հիմքերու հիմքը պէտք է ըլլայ ԱԶԳԱՅԻՆ ՄԵՐ ՊԵՏԱԿԱՆՈՒԹԵԱՆ….եւ առանց որուն, մեր պետականութիւնը չի կրնար ըլլալ ԱԶԳԱՅԻՆ ՊԵՏԱԿԱՆՈՒԹԻՒՆ….

—-

Երբ ազգային արժանապատուութիւնը պաշտպանելու հարց կը ծագի, ԽՈՀԵՄՆԵՐ հրապարակ կու գան, ըսելու համար որ սա ուրիշին պատերազմն է, պէտք է զգոյշ ըլլալ եւ նման այլ խօսքերով….ԶԳՈՒՇՈՒԹԵԱՆ ԵՒ ՎԱԽԿՈՏՈՒԹԵԱՆ ՄԻՉԵՒ ՇԱՏ ԲԱՐԱԿ ՍԱՀՄԱՆ ՄԸ ԿԱՅ, ուրկէ մէկ քայլ այն կողմ, զգուշաւորը կը դառնայ ՎԱԽԿՈՏ, ԱՆԱՐԻ, նոյնիսկ ԱՐԺԱՆԱՊԱՏՈՒՈԹԵՆԷ ԶՈՒՐԿ ՄԱՐԴ ԹԷ ՀԱՒԱՔԱԿԱՆՈՒԹԻՒՆ….Մեր պատմութիւնը լեցուն է նման դրուագներով, երբ թշնամիին յանձներ ենք բերդաքաղաքներ եւ հայրենեաց այլ հողակտորներ….չենք կրցած ամենայն քաջութեամբ պաշտպանել զանոնք….Իսկ ՊԱՏՌՈՒԱԿՆԵՐ միշտ ալ կը գտնուին ու պիտի գտնուին….Ի՞ՆՉ Կ’ԸՍԷ ԱԶԳԱՅԻՆ ՄԵՐ ԳԱՂԱՓԱՐԱԽՕՍՈՒԹԻՒՆԸ, ԿԱՄ ՈՒՆԻ՞ՆՔ ՆՄԱՆ ԳԱՂԱՓԱՐԱԽՕՍՈՒԹԻՒՆ, թէ՞՝ դարձեր ենք ՕՏԱՐԱՄԷՏ հաւաքականութիւն, այսօր՝ այս կողմ, վաղը՝ այն կողմ միտող….եւ չգտնելով մեր ՈՒՂԵՑՈՅՑԸ, որ ըլլայ միայն ՀԱՅԱՄԷՏ…

Երան Գույումջյանի ֆեյսբուքյան էջից