ՀԱՅՈՒՆ ԱՄԷՆԷՆ ՄԵԾ ԹՇՆԱՄԻՆ ՆՈՅՆԻՆՔՆ ՀԱՅՆ Է…Վերջերս, ծանօթս՝ որ նոր էր վերադարձեր Հայաստանէն, ինծի պատմեց այն ՈՍԿԵԱՅ ՇՔԵՂՈՒԹԻՒՆՆ ՈՒ ՓԱՐԹԱՄՈՒԹԻՒՆԸ, որոնց ականատեսն էր եղեր Ծաղկաձորի մէջ եւ այլուր, եւ կը զարմանար ի տես այն աչք ծակող իրականութեան, որ մինչ մեր երկրին մէկ ստուար մասը կ’ապրի աղքատութեան մէջ, միւս կողմէ՝ փոքրաթիւ գերհարուստներու կեանքի շքեղութիւնն ու ցոփութիւնը կը գլեն, կ’անցնին բոլոր չափանիշները….Հայ մարդը ինչպէ՞ս ինքն իրեն կ’արտօնէ նման գերպերճանք ու շուայտանք, երբ անդին իր հայրենակիցներէն շատեր կ’ապրին ունեզուրկ կեանք մը,…. երբ կան մարդիկ որոնք աղբարկղներուն մէջ ուտելիք կը փնտռեն….ԱՅՍՔԱ՞Ն ԱՆԲԱՐՈՅԱԿԱՆԱՑԱԾ ԵՆՔ ՄԵՆՔ….եւ դարձած՝ ԱՆՏԱՐԲԵՐ մեր քրոջ ու եղբօր վիճակին հանդէպ….Որոշապէս այս ՔՐԷԱՕԼԻԿԱՐԽԻԿ ՀԱՄԱԿԱՐԳԸ ՊԷՏՔ Է ՓՈԽՈՒԻ, որ մեր երկիրը շունչ կարենայ քաշել….

—

Կեանքի մէջ, որքա՛ն շատ են ԽՈՐՀՐԴԱՏՈՒԻ դերով ու քղամիթով հանդէս եկող մարդիկ, որոնց դիմակին տակ թաքնուած են տեսակ-տեսակ դիտաւորութիւններ…. սեփական ԵՍ-ը գոհացնելու, շահ մը ապահովելու, միաւոր մը նուաճելու, կիրք մը գոհացնելու….Շատ հազուագիւտ են այն անձինք, որոնք ամենայն սրտացաւութեամբ եւ անկեղծութեամբ կը միտին ճիշդ խորհուրդներ տալու տուեալ ենթակային….Կշռադատ բանականութիւնն ու ներքին ձայնը կրնան թերեւս լաւագոյն ՈՒՂԵՑՈՅՑԸ ըլլալ ոեւէ մէկուն համար, քան ուրիշին տուած խորհուրդը, որ քիչ անգամ կրնայ ըլլալ ճշմարտօրէն անանձնական եւ անկեղծ….

Երան Գույումջյանի ֆեյսբուքյան էջից