ՊԱՅԾԱՌ ՀԱՅԵԱՑՔ, ՊԱՅԾԱՌ ՍԻՐՏ ԵՒ ՊԱՅԾԱՌ ՄԻՏՔ….Նախադրեալներ չե՞ն ասոնք՝ կեանքը պայծառ ապրելու համար: Դիւրին թուացող այս «եռամիասնութիւնը» սակայն շատ դժուար իրագործելի է իսկական կեանքի յորձանուտին մէջ, ուր տեսակ-տեսակ գորշ ամպեր կը կոյրցնեն մեր աչքերը՝ յստակ տեսնելու համար, կամ փայլուն «չարժէքներ» կը շլացնեն զանոնք՝ ճիշդը տեսնելու համար….ՊԱՅԾԱՌ ՍԻՐՏՆ ալ դիւրաւ կրնայ ամպոտիլ կեանքի այլազան դառնութիւններով…..ՊԱՅԾԱՌ ՄԻՏՔԸ նոյնպէս կը ստուերեն մարդկային կիրքերը, նախապաշարումները, առօրեայ կեանքի աղմուկ-աղաղակը, քարոզչամեքենայի թմբկահարումը՝ սուտ ու կեղծ «արժէքներու»…որոնք ՀԱԶՈՒԱԳԻՒՏ ԱՌԱՔԻՆՈՒԹԵԱՆ կրնան վերածել ՝ ՊԱՅԾԱՌ ՀԱՅԵԱՑՔ, ՊԱՅԾԱՌ ՍԻՐՏ ԵՒ ՊԱՅԾԱՌ ՄԻՏՔ ունենալու հոգեմտաւոր երանելի վիճակը….

***

Այնպէս ինչպէս երկնքի պայծառութիւնն է, երանի՛ մարդկանց հոգիները եւս լեցուէին պայծառութեամբ, բարութեամբ, սիրով, վեհանձնութեամբ….չմռայլուէին անոնք փոքրոգութեամբ, չարութեամբ, նախանձով, որոնք ոչ միայն վնաս կը հասցնեն այլոց, այլ նոյնինքն՝ իրենց, մթագնելով իրենց ներքին աշխարհը, մուրով ծածկելով իրենց հայեացքը ուղղուած կեանքին ու աշխարհին….ԼՈ՛ՅՍ, ԱՌԱՒԵԼ ԼՈ՛ՅՍ տենչանք, ձգտինք անոր, հաղորդուինք անով, արարենք զայն….ՄԵՆՔ ԼՈՒՍԱՊԱՇՏ ԺՈՂՈՎՈՒՐԴ ԵՆՔ….

Երան Գույումջյանի ֆեյսբուքյան էջից