Հոգիի ԳԱՐՈՒՆԸ կը յուշէ մեզ ԱԶԱՏԱԳՐՈՒԻԼ ամէն տեսակի շղթաներէ, որոնք կը գերեվարեն մեր էութիւնը, հայեցի մեր հոգին, հայեցի մեր մշակոյթը, հայկական մեր պետականութիւնը….Պիտի թօթափենք մեր ազգային-հաւաքական մարմնէն ամէն բռնութիւն, որ երեւոյթ թէ աներեւոյթ, կը միտի ստրկացնելու ՀԱՅ ՀՈԳԻՆ….Օ՛ ԸՄԲՈՍՏՈՒԹԻՒՆ ՍՐԲԱԶԱՆ….որ ոգիի յանդգնութեամբ, գարնան խայտանքով մեզ կը կոչէ ոտքի ելլելու ի պաշտպանութիւն մեր ԱԶԱՏՈՒԹԵԱՆ, ԱՐԺԱՆԱՊԱՏՈՒՈՒԹԵԱՆ, առանց որոնց ԱԶԳ մը չի կրնար ԼԻԱՐԺԷՔ յարատեւել պատմութեան մէջ, ի կատար ածել իր առաքելութիւնը….Գերեվարուած ազգը կրնայ միայն իր գոյութիւնը քաշկռտել, առանց կարենալ ապրելու….

—

Թող գարունը մտնէ մեր սրտերէն ներս, նոր եռանդ, նոր կորով փոխանցէ մեզի, զարթօնքի նոր շունչով պարուրէ մեր էութիւնը համակ….Օ~գարունը կեանքի, ի՛նչ խինդ ու խանդավառութիւն, խանդ ու խայտանք ունի իր մէջ, որոնք դեռ կը նիրհեն՝ մեր հոգիի գաղտնարաններուն մէջ անթեղուած….եւ ահա կրկին կեանք կ’առնեն նորովի, կը բորբոքին, կը բողբոջին, մեզ կը վերադարձնեն մեր խենթ, անհոգ, կենսուրախ պատանեկութիւնը, որուն ապրումները չեն մեռնիր երբեք….ՀՈԳԻՆ ունի՞ տարիք…: Ան կը մնայ մերթ մանուկ, մերթ՝ պատանի, մերթ ալ երիտասարդ….իսկ ծեր հոգիները արդէն մեռած են….քանզի հոգիով կ’ապրինք գերազանցօրէն….

Երան Գույումջյանի ֆեյսբուքյան էջից