ԻՆՔԶԻՆՔ ԸԼԼԱԼ….երբ այնքան շատ են կեանքի մէջ զանազան դերեր խաղցողներ, դիմակով ներկայացողներ, «թուացեալ»ը իսկականի տեղ դնողներ….երբ ներկայ ընկերութիւնն ալ տեսակ մը կը հարկադրէ մարդ-անհատին իր դերակատարումը յաջողութեամբ խաղալ կեանքի մէջ, ըլլա՛յ որպէս պաշտօնեայ տուեալ ընկերութեան մը մէջ, ըլլա՛յ որպէս պետական գործիչ, իշխանաւոր….եւ այսպէս շարունակ: Եւ այնքան սակաւ են անոնք, որոնք ՀԱՐԱԶԱՏ կը մնան իրենց բուն էութեան, ՀՈԳԻԻՆ….այսպէս կորսնցնելով կեանքի մէջ ամէնէն թանկը….

***

ՃՇՄԱՐՏՈՒԹԻՒՆԸ հեշտ չէ գտնել, զայն յայտնաբերելու համար, աչքերդ ու միտքդ պիտի մաքրես ամէն փոշիէ ու աղտէ, որոնք կը խափանեն պայծառ տեսողութիւնն ու դատողութիւնը….ՃՇՄԱՐՏՈՒԹԻՒՆԸ հեշտ չէ բարձրաձայնել, զայն կարենալ բարձրաձայնելու համար, պիտի պատրաստ ըլլաս կրելու շատ-շատերու պարսաւանքը, նոյնիսկ արհամարհանքն ու թշնամանքը….Մեր ժողովուրդը դիպուկ խօսք ունի. «Ճշմարիտը խօսողին գլուխը ծակ կ’ըլլայ», կամ «Ճշմարիտը խօսողը եօթը գիւղէն կը վռնտեն»….Բայց որքա՛ն պատուաբեր, արժանապատիւ կեանք պիտի ըլլար՝ ՃՇՄԱՐԻՏԻՆ միայն ծառայելը, զայն յարատեւ փնտռելը, միայն անոր ձգտիլը, զայն ապրիլը, զայն խօսիլն ու գրելը…, քանզի բոլոր ժամանակներուն համար ալ, ՃՇՄԱՐԻՏԸ միայն կրնայ իսկապէս ազատագրել անհատն ու ազգային հաւաքականութիւնը….

Երան Գույումջյանի ֆեյսբուքյան էջից