«Էդ Սուրիկ Խաչատրյանին 25 տարի առաջ, երբ ճանաչում էի, էն ժամանակ ոչ մեկը ոչ մի վատ բան չէր ասում: Երբ շան տղեն, զենքը վերցրած, չանթիկը վզին գցած, սահման էր պահում»,- Aravot.am-ին ասել է գեներալ Մանվելը: Թղթակցի դիտարկմանը, թե նրան ազատամարտիկները սահմանին չեն տեսել, ասում են պատերազմի ժամանակ թալանով էր զբաղված, գեներալն ասել է. «Ղալաթ են անում, ես տեսել եմ: Էն ժամանակ թալան կա՞ր»: Իսկ հարցին` տեղյա՞կ է, որ Սուրիկ Խաչատրյանին տարբեր հանցագործությունների մեջ են մեղադրում, նա պատասխանել է. «Երբ որ հանկարծ դատարանով մեղադրանքի որոշում լինի, ես ու դու գնանք մի հատ էլ տանք բերանին»:
Սյունիքի նախկին մարզպետ Սուրիկ Խաչատրյանը Երկրապահի համագումարում ղեկավար կազմի անդամ է ընտրվել: Վարչության անդամ է ընտրվել նաև փառապանծ պատգամավոր Սամվել Ալեքսանյանը: Երբ Մանվել Գրիգորյանին լրագրողները հարցրել են, թե որտեղ է կռվել Սամվել Ալեքսանյանը, գեներալը պատասխանել է, թե նա եղել է իր բրիգադի սպա: Թե ինչպես, երբ և ում հրամանով է սպայական կոչում ստացել Սամվել Ալեքսանյանը, գեներալը չի ասել:
Պատերազմի ժամանակ հարավային պաշտպանական շրջանում, որտեղ գտնվում էր նաև գեներալ Մանվելի բրիգադը, Սուրիկ Խաչատրյանին բավական լավ են հիշում: Գումարտակների հրամանատարները պատմում են, որ Հորադիզի «մսաղացների» ժամանակ Գորիսի գումարտակի հրամանատար Սուրիկ Խաչատրյանը լքել է դիրքերը, որը պատճառ է դարձել մարդկային մեծ կորուստների:
Փոխարենը, մարտական հրամանատարները պատմում են, որ Սուրիկ Խաչատրյանը «պոստեր» էր տեղադրել հարավային գոտու ճանապարհներին և «համակարգում» էր անցուդարձը: Ի դեպ, այդ ճանապարհով էին անցնում նաև գեներալ Մանվելի «գռուզները»:
Սակայն, եթե մարտական հրամանատարներն այս կամ այն կերպ «հիշում» են Սուրիկ Խաչատրյանին, ապա Սամվել Ալեքսանյանի պարագան նրանց մեծ զարմանք է պատճառել: Օրինակ, Շմայսին հիշում են, ով գեներալ Մանվելի «ադյուտանտն» էր և հարավի հայկական գյուղերում զբաղված էր «ազգին ծառայելով»: Սակայն Սամվել Ալեքսանյանին այդպես էլ չեն հիշում:
Փոխարենը, գեներալ Մանվելը երևի դեռ հիշում է Տողի Արմենչոյին, Էրիկին, Վիգենին, հարյուրավոր քաջ ու նվիրյալ տղաների (թող ներվի նրանց անունները չտալու համար), որոնց կռած հաղթանակի դափնիները բաժին հասան բոլորին, բացի իրենցից: Այդ հաղթանակի վրա Սուրիկ Խաչատրյանը, Սամվել Ալեքսանյանը, պատերազմի այլ «հերոսներ» արագորեն անցան «կապիտալի նախնական» կուտակմանն ու սկսեցին կերտել իրենց հերոսական կենսագրությունը, հաստատելով «պատերազմի իրավունքը», որի տակ Հայաստանում ուզուրպացվեց իշխանությունն ու պետական ինստիտուտները:
Գեներալ Մանվելն այս ամենը լավ գիտե, և եթե համաձայն չլիներ այս իրավիճակին՝ վաղուց ապտակած կլիներ Սուրիկ Խաչատրյանին էլ, շատ շատերին էլ:
- 12:10Ահաբեկիչների տեղափոխությունը կազմակերպել էր Թուրքիան, ինչը հանցագործություն է ՄԱԿ-ի բանաձեւի ներքո.
- 11:10Փետրվարի 1-ից կթանկանա էլեկտրաէներգիան, ջուրը արդեն թանկացել է, իսկ ապրիլի 1-ից կթանկանա նաեւ բնական գազը
- 12:10«Գազպրոմ Արմենիա»-ն առաջարկել է վերանայել բնական գազի սակագինն ու բոլոր սպառողների համար սահմանել միասնական գին.
- 15:10Նոր՝ գաղտնի համաձայնագիր է կնքվել․ ապրիլի 1-ից բնական գազի սակագինը կբարձրանա
- 14:10Փաշինյանը գաղտնի է պահում իր 4 հատ նոր ծառայողական մեքենաների համար վճարված գումարները, որոնք համարժեք են 4800 զոհված զինվորների հատուցման գումարներին.Ղազարյան
- 14:10Արցախյան առաջին պատերազմի տարեգրությունը հեռացվել է ՊՆ կայքից
- 13:10Փաշինյանը ոչնչացնում է իր հերթական օգտագործված զինակցին․ դիտարկում
- 11:10Ադրբեջանական ագրեսիայի հետեւանքով հայկական կողմն ունի երկու զոհ, ադրբեջանական կողմը հաղորդել է մեկ զոհի մասին
- 12:10Երևանում մոր և որդու դիեր են հայտնաբերվել. մահվան պատճառը ցրտահարությունն է եղել
- 13:10Ադրբեջանական ավտոշարասյունը պարբերաբար կայանել է Աղավնոյում տեղակայված խանութի դիմաց․ վտանգ զգալու պատճառով, աշխատակիցը ձեռնարկել է պաշտպանական միջոցներ