Քաղաքացիներ Սուսաննա Դավթյանն ու Լեմբերիկ Խաչատրյանը «Առավոտ» օրաթերթին պատմում են, թե ինչպես է ՀՀ վարչապետ Տիգրան Սարգսյանի խնամին՝ Կենտրոնական բանկի ֆինանսական վերահսկողության վարչության պետ Հրանտ Սուվարյանը, «ապօրինաբար տիրացել» իրենց քարե շինությանը։ Արմեն Տիգրանյան 15 հասցեում 1982 թվականին Խաչատրյաններն իրենց բնակավայրին կից կառուցել են քարե շինություն, և Շրջխորհրդի գործադիր կոմիտեի որոշմամբ քարե շինությունը ձևակերպվել է Լեմբերիկ Խաչատրյանի անունով։
Ս. Խաչատրյանի խոսքերով՝ հետագայում իրենք համաձայնության են եկել նաև իրենց հարևան Արթուր Խաչատրյանի հետ և նրա համաձայնությամբ ստացել նրան պատկանող փոքր հողատարածքը։
Նրա խոսքերով՝ իրենք բազմիցս դիմել են քաղաքապետարան, կադաստրի պետական կոմիտե՝ տարածքի և շինության սեփականաշնորհման համար, և ստացել են մերժում՝ հողի մասին օրենքի բացակայության հիմքով։ Իսկ նախորդ տարի սեփականաշնորհման գործընթացը վերսկսելու համար նորից են դիմել, հենց այդ ժամանակ էլ գործը վերահսկող ճարտարապետից իմացել են, որ իրենց պատկանող քարե շինությունն ու դրանով ծանրաբեռնված հողատարածքն արդեն սեփականատերեր ունեն։
Սուսաննա Դավթյանի ներկայացմամբ՝ վարչապետի խնամին՝ Հրանտ Սուվարյանը, «հարևաններին մոլորության մեջ գցելով»՝ համասեփականատեր է դարձել նաև նրանց հողատարածքին՝ ներառելով Լեմբերիկ Խաչատրյանին պատկանող քարե շինությունը։
«Պատճառաբանելով, թե համասեփականատեր դառնալով՝ կօգնի նրանց հեշտ սեփականաշնորհել իրենց հողատարածքները ու գույքերը, առաջին երեք հարևանների սեփական հողատարածքները դարձան ընդհանուր համասեփականություն՝ առանց մեր հարևանների իմացության։ Քաղաքապետարանի որոշմամբ՝ հաստատված ընդհանուր հատակագծում ներառվել է նաև մեր քարե շինությունը»։
Այն, որ Սուվարյանը նշված հողատարածքի համասեփականատեր չի եղել նախկինում, դրա մասին վկայում են մեզ մոտ և կադաստրում գտնվող փաստաթղթերը:
Առավոտ
- 12:11Ինչպես են մարդկանց գազան դարձնում
- 11:24Ղարաբաղյան շարժման ստվերոտ կողմերը-1
- 11:56Ինչո՞ւ ԵԽԽՎ-ում նախագահը չխոսեց ՌԴ-ի կողմից Ադրբեջանի սպառազինման մասին
- 10:45«Արա, առաջ իրենք էլ էին ապրում, մեզ էլ էին թողում, որ ապրենք». Կհաջողվի՞ «քցել» Եվրոպային
- 10:45Արդարադատության նախարարության պատասխանը ՀՀ–ում նույնասեռական ամուսնությունների թույլատրման մասին
- 10:45Իշխանությունն ուզում է «աննկատ» Ղարաբաղը տա թուրքերին, դրա համար տարկետման թեման է բարձրացնում
- 12:27Կանչում են ապրիլյան պատերազմի մասնակից զինծառայողներին, որ հոգեբանորեն ճնշե՞ն… հայրենասիրություն, բան…
- 11:2950 տարի առաջ, ինչպես և հիմա, ոչ ոք չէր հավատում պաշտոնական ոչ մի բառի
- 10:45Մեր հասարակությունը հավատում է միայն աղետալի լուրերին. ի՞նչ է եղել իրականում Ժնևում
- 12:28Ոչ միայն փոթորիկ է, այլև երկրաշարժ, Ատոմակայանից ռադիոակտիվ նյութերի արտահոսք