Նախախորհրդարանը շնորհավորական ուղերձ է տարածել, որում ասվում է.
Նախախորհրդարանը շնորհավորում է հայ ժողովրդին ազգային բանակի 22-րդ տարեդարձի առթիվ: Սա քաջ ու անձնուրաց, հայրենիքին անմնացորդ նվիրված մարդկանց տոնն է։
Հայոց բանակը ստեղծվեց պատերազմի ահեղ օրերին ողջ ազգի հավաքական ուժով ու ջանքով, կամավորության ու անձնուրացության ոգով, և հենց դա ապահովեց մեր հաղթանակը, ազատությունն ու արժանապատվությունը:
Մենք շնորհավորում ենք հայ զինվորներին ու սպաներին, ազատամարտիկներին, կամավորներին, բոլոր նրանց, ովքեր առնչվել են բանակի կայացմանը։ Շնորհավորում ենք ողջերին ու զոհվածներին և խոնարհվում ենք նրանց և նրանց հիշատակի առաջ։
Այս տոնական օրը մենք ցավակցում ենք զինադադարից հետո բանակում նահատակված զինվորների ընտանիքներին: Հայոց բանակը պաշտպանում է ժողովրդին ու պատկանում է ժողովրդին, միաժամանակ բանակն ինքը կարիք ունի պաշտպանության` կեղծիքից ու կաշառակերությունից, բռնությունից ու սոցիալական անարդարությունից, որոնք ներթափանցում են զինված ուժեր հանցավոր վարչախմբի ջանքերով: Մայոր Վահե Ավետյանի սպանությունը, գնդապետ Արտակ Բուդաղյանի վրա մահափորձը, գնդապետ Վոլոդյա Ավետիսյանի բանտարկությունը ակնհայտ կերպով բացահայտում են քրեական օլիգարխիկ համակարգի իրական վերաբերմունքը հայոց բանակի պատվի ու արժանապատվության հանդեպ:
Այսօր մեր զինված ուժերի համար հիմնական սպառնալիքը և գլխավոր փորձությունը ոչ այնքան հակառակորդի ռազմական հարձակման վտանգն է, որքան իշխանության ապօրինի ոտնձգությունները բանակի սահմանադրական կարգավիճակի դեմ: Դրա ապացույցը այսպես կոչված «արտակարգ իրավիճակներում» բանակը հասարակության դեմ օգտագործելու, այսինքն գաղութային ադմինիստրացիայից ձերբազատումը բանակի միջոցով ճնշելու խայտառակ որոշումն է: Սակայն մենք վստահ ենք, որ վճռական պահին բանակը կլինի ժողովրդի կողքին ու կնպաստի, որ այն անցնցում լինի։
Հաճախ ասում են, որ բանակը Հայաստանի ամենակայացած կառույցն է: Իրականում, բանակում արտացոլված են այսօրվա տապալվող պետական համակարգի բոլոր արատներն ու թուլությունները: Այնտեղ ևս սողոսկել է վաշխառության հեղձուցիչ թաթը և թափանցել է արտագաղթի ախտը։
Մենք մաղթում ենք մեր բանակի սպայական կազմին հավատ առ Հայաստանի ապագան, համոզվածություն, որ գաղութացումից ազատագրումը
իրականանալու է և աներեր կամք՝ հայ ժողովրդի պաշտպանության գործում։
Նշելով զինված ուժերի տարեդարձը, մենք հաստատում ենք նոր որակի ազգային ժողովրդավարական ու ինքնիշխան պետություն կառուցելու մեր պատրաստակամությունը, որի երաշխավորն ու հպարտությունն է լինելու Հայոց Բանակը:
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 13:20Պապ թագավորն այն առաքինության կերպարը չի, որ օրինակելի լինի, բայց Փաշինյանը նույնիսկ նրան հավասար չէ․ Միքայել Սրբազան
- 13:02Ախթալայում հանգուցյալին կհուղարկավորեն առանց դիահերձման` ինքնաշեն դագաղով
- 11:17Վանենք մեզանից կործանարար անտարբերությունը, փարատենք թշնամության ու ատելության մթնոլորտը. վեհափառի ուղերձը
- 11:29Հայաստանն ու Ադրբեջանն այսօրվանից Տավուշի հատվածում սահմանապահների են տեղակայում․ ԱԱԾ