Ազգային ժողովի հաշվիչ հանձնաժողովի ոչ կոալիցիոն 4 անդամները՝ ԲՀԿ-ից Տիգրան Ուրիխանյանը, ՀԱԿ-ից Լյուդմիլա Սարգսյանը, «Ժառանգությունից» Թևան Պողոսյանը և ՀՅԴ-ից Արծվիկ Մինասյանն այսօր արտահերթ նիստ հրավիրեցին, որի ժամանակ մեծամասնությունը որոշում կայացրեց՝ անվավեր ճանաչելդեկտեմբերի 23-ի հայ-ռուսական գազային համաձայնագրերի քվեարկությունը և հայտարարեց, որ հաշվիչ հանձնաժողովի նախագահն այլևս Սուքիաս Ավետիսյանը չէ։
Հիշեցնենք, որ հանձնաժողովի 4 անդամներն անօրինական են համարում գազային պայմանագրերի քվեարկությունը, քանի որ հանձնաժողովի նախագահ Սուքիաս Ավետիսյանը խախտել է ԱԺ կանոնակարգ օրենքը և առանց հանձնաժողովի միայնակ է կատարել քվեարկության հաշվարկը:
Նիստին հրավիրված էր նաև հանձնաժողովի նախագահ Սուքիաս Ավետիսյանը, սակայն ինչպես նախապես հայտարարել էր՝ չներկայացավ։ Ինչպես և սպասում էին հանձնաժողովի ոչ կոալիցիոն անդամները, նիստը չթույլատրվեց գումարել ԱԺ 334 սենյակում՝ պատճառաբանելով, որ նստաշրջանը ավարտված է և սենյակի դուռը փակ է։ Սակայն դա խոչընդոտ չհանդիսացավ, և նրանք նիստն անցկացրեցին ՀՅԴ խմբակցության աշխատասենյակում։
Նիստի ընթացքում հանձնաժողովի անդամները ներկայացրին իրենց որոշումը և հայտնեցին, որ համաձայնագրերի քվեարկությունն անօրեն են ճանաչում ու դրա հետ կապված դիմելու են Սահմանադրական դատարան։ «Վիճարկելու ենք այս հարցը ՍԴ-ում, քվեարկությունն իրականում տեղի չի ունեցել, օրենքի խախտումով որևէ քվեարկություն իրականություն չի կարող դառնալ: Մենք փորձելու ենք հասնել նրան, որ ԱԺ հետ բերվեն նախագծերն ու դրանք նորից քննարկվեն»,- հայտարարեց Լյուդմիլա Սարգսյանը:
Իսկ ՀՅԴ պատգամավոր Արծվիկ Մինասյանն առաջարկեց ընդունված որոշման մասին պաշտոնապես տեղյակ պահել ԱԺ նախագահին՝ որպես հաշվիչ հանձնաժողովի եզրակացություն:
Անդրադառնալով կազմակերպչական հարցերին, հանձնաժողովը քննարկման դրեց հաշվիչ հանձնաժողովի նոր նախագահ ընտրելու հարցը: Պատգամավորները հայտարարեցին, թե Սուքիաս Ավետիսյանը չարաշահել է իր իրավունքներն ու իրավունք չունի այսուհետ շարունակել հաշվիչ հանձնաժողովի նախագահ լինել։
Հանձնաժողովի քարտուղար Լյուդմիլա Սարգսյանն առաջարկեց Թևան Պողոսյանի պաշտոնը, սակայն վերջինս ինքնաբացարկ հայտնեց: Հանձնաժողովի 4 անդամները նոր նախագահ ընտրեցին Լյուդմիլա Սարգսյանին, իսկ քարտուղար նշանակվեց «Օրինաց երկիր» խմբակցությունից հանձնաժողովի անդամ Իշխան Խաչատրյանը։
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը