Դեկտեմբերի 1-ից 7-ը ԵԱՀԿ Երևանյան գրասենյակի նախաձեռնությամբ Ուկրաինայում էր ՀՀ ոստիկանության պատվիրակությունը` հասարակայնության հետ կապի և լրատվության վարչության պետ, ոստիկանության գնդապետ Աշոտ Ահարոնյանի գլխավորությամբ: Պատվիրակության հետ Կիև էին մեկնել նաև ԵԱՀԿ Երևանյան գրասենյակի և «Հայաստանի իրավական հետազոտությունների կենտրոն» հասարակական կազմակերպության ներկայացուցիչները:
Արդյունավետ փոխգործակցություն սկսելու նպատակով կազմակերպված այցելության առաջնային խնդիրն էր Ուկրաինայի միլիցիայի և Հայաստանի ոստիկանության հասարակայնության հետ կապի և տեղեկատվության ոլորտի պատասխանատուների միջև գործնական ու մասնագիտական երկխոսությունը, նույնանման խնդիրների վերհանումը, ձեռքբերումներին ծանոթանալը և արդյունավետ փորձի փոխանակումը:
Հայկական պատվիրակությանն ընդունեց Ուկրաինայի ՆԳՆ հասարակայնության հետ կապի վարչության պետ, միլիցիայի մայոր Սերգեյ Բուռլակովը: Նա ներկայացրեց իր ղեկավարած ստորաբաժանման կառուցվածքը: Հայկական կողմին հատկապես հետաքրքրեց ԶԼՄ-ների հետ աշխատանքի մեթոդիկան, առանձնահատկությունները: Ուշագրավ էր, որ ուկրաինական միլիցիան, ինչպես մեր ոստիկանությունը, ցույցերի, երթերի, հասարակական ընդվզումների տարբեր զանգվածային դրսևորումների ժամանակ ֆոտո և տեսանկարահանումներ իրականացնող ծառայողներին հանդերձավորում է տարբերակիչ բաճկոններով:
ԶԼՄ ներկայացուցիչների անվտանգությունն ապահովելու նկատառումներով` ուկրաինական միլիցիան հատուկ տարբերակիչ բաճկոններ է պատրաստել նաև ԶԼՄ ներկայացուցիչների համար, որպեսզի հասարակական կարգ ապահովող իրավապահները և ցուցարարները բազմության մեջ անմիջապես տարբերեն լրագրողին:
Ուկրաինայի մայրաքաղաք Կիևում դեկտեմբերի սկզբին տեղի ունեցած իրադարձությունների ժամանակ լրագրողների մի մասը հրաժարվել էր հատուկ տարբերակիչ բաճկոններից, ու թերևս դրա հետևանքով էլ չորս տասնյակից ավելի լրագրողներ տուժեցին: Ուկրաինացի մեր գործընկերների հավաստմամբ` մեթոդը սկսել է աշխատել, և այս օրերին բաճկոն ստանալու համար դիմող ԶԼՄ ներկայացուցիչների թիվը գնալով ավելանում է:
ՀՀ ոստիկանության պատվիրակության ղեկավար Աշոտ Ահարոնյանն իր հերթին ներկայացրեց հայկական ոստիկանությունում վերջին տարիներին ընթացող բարեփոխումները, ձեռքբերումները: Ուկրաինացի գործընկերներին հատկապես հետաքրքրեց մեր էլիտար` «հրեշտակների» ստորաբաժանումը:
Աշոտ Ահարոնյանը մանրամասն ներկայացրեց ինչպես «հրեշտակների» ստորաբաժանման կազմավորման նպատակը, իրավական հիմքերը, կադրերի ընտրման կարգը, հասարակական արձագանքները, այնպես էլ մեր համայնքային ոստիկանության առանձնահատկությունները:
Հանդիպում-քննարկման գործնական հատվածում ուկրաինացի գործընկերները ներկայացրին սոցիալական գովազդներ, որոնք պարբերաբար հեռարձակվում են տեղական հեռուստաալիքներով: Հայկական պատվիրակության ղեկավարը ևս ներկայացրեց մեր հեռուստաալիքներով ցուցադրվող` ՀՀ ոստիկանության պատրաստած սոցիալական տեսահոլովակները և թիրախային լսարանների ընդհանուր բնութագիրը:
Հայկական պատվիրակությանն ընդունեց նաև Ուկրաինայի ՆԳ փոխնախարար, աշխատակազմի ղեկավար Սերգեյ Լեկարը: Հանդիպմանը ներկա էին Ուկրաինայի ԵԱՀԿ գրասենյակի ներկայացուցիչները: Կայացավ կառուցողական երկխոսություն երկու կողմերի առջև ծառացած հիմնախնդիրների, դրանց հաղթահարման եղանակների, ԵԱՀԿ-ի հետ արդյունավետ համագործակցությունը շարունակական դարձնելու, պրոֆեսիոնալ ոստիկանություն ունենալու, իրավապահ կառույցների գործունեությունը թափանցիկ դարձնելու շուրջ:
Այցի շրջանակներում ՀՀ ոստիկանության պատվիրակությունն այցելեց Ուկրաինայի ՆԳՆ ակադեմիա, ծանոթացավ բարձրագույն ուսումնական հաստատության կրթական համակարգին, առանձնահատկություններին, եղավ Ակադեմիայի թանգարանում, որն իրապես զարմացրեց իր բացառիկ նմուշների հագեցվածությամբ և գիտագործնական բնույթով: Ինչպես վկայեց Ակադեմիայի պրոռեկտորը` ուսանողները պարբերաբար բաց դասեր են անցկացնում թանգարանի գործնական պարապմունքների համար նախատեսված սրահներում:
ՀՀ ոստիկանության պատվիրակությունը այցելեց նաև Ուկրաինայի ՆԳՆ նախակրթարան, որտեղ հիմնականում սովորում են ՆԳ համակարգի զոհված և հաշմանդամ աշխատակիցների երեխաները:
Հայկական պատվիրակությունը այցելեց ինչպես Կիևի միլիցիայի, այնպես էլ Չեռնիգովի մարզային վարչություն: Հանդիպումները կառուցողական և արդյունավետ էին: Երկու կողմն էլ պատրաստակամորեն ներկայացրին հատկապես քրեական բնույթի հեռուստահաղորդումների պատրաստման, զանգվածային լրատվամիջոցների հետ արդյունավետ ու թափանցիկ շփվելու, հասարակության մեջ իրավապահի նկատմամբ վստահությունն ամրապնդելու իրենց փորձը:
ՀՀ ոստիկանության պատվիրակությունը հանդիպում ունեցավ նաև «Կոռուպցիայի և կազմակերպված հանցավորության դեմ պայքարի հարցերով համաուկրաինական հատուկ կոլեգիա» հասարակական կազմակերպության նախագահ Յուրի Լավրենյուկի և աշխատակիցների հետ: Քննարկվեցին փոխադարձ հետաքրքրություն ներկայացնող հարցեր:
Պատվիրակությունը հյուրընկալվեց Կիևի նորաբաց «112» հեռուստաալիքի խմբագրությունում: Հեռուստաընկերության ղեկավարները, որոնք կարողացել են ընդամենը մի քանի ամսում ստեղծել նորագույն տեխնիկայով հագեցած հզոր լրատվական հեռուստաալիք, հանգամանալից ներկայացրին իրենց ընկերության գործունեությունը, աշխատանքների կազմակերպման առանձնահատկությունները: Պայմանավորվածություններ ձեռք բերվեցին առաջիկայում համագործակցության հիմքեր ստեղծելու, տեղեկատվության փոխանակման ձևաչափեր սահմանելու առումով:
Դեկտեմբերի 7-ին ՀՀ ոստիկանության պատվիրակությունը վերադարձավ Երևան:
ՀՀ ոստիկանություն
- 15:10Պուտինը հեռացրել է Շոյգուին կոռուպցիայի եւ պատերազմն արդյունավետ վարել չկարողանալու պատճառով. Bloomberg
- 15:10Սահմանազատումն իրականացվում է մեր պայմանների հիման վրա, և սա մեր հաջորդ հաղթանակն է․ այդպես էլ շարունակվելու է․ Ալիև
- 14:10Սոչիի իշխանությունները քաղաքի բնակիչներին և հյուրերին խորհուրդ են տվել խուսափել ջրի մոտ հանգստանալուց
- 13:10ՆԱՏՕ-ն սահմանել է 2 կարմիր գիծ, որոնց հատման դեպքում, կմիջամտի Ուկրաինայի հակամարտnւթյանը
- 13:10Կրեմլը «վտանգավոր» է որակել Մակրոնի և Քեմերոնի հայտարարությունները
- 11:10ՀԱՊԿ-ից դուրս գալու համար պետք է առնվազն 6 ամիս շուտ ծանուցում ուղարկել. որքանով տեղյակ ենք՝ Հայաստանը որևէ նոր քայլ չի ձեռնարկել
- 15:10Լատվիայի ԱԳ ղեկավարը հայտնել է, որ Ուկրաինան ստացել է արևմտյան զենք՝ Ռուսաստանին հարվածելու թույլտվությամբ. Զախարովան պահանջել է այդ երկրների ցանկը
- 13:10Հաղթանակը մերն է լինելու․ Մեդվեդևը մայիսի 1-ի շնորհավորանքում ծաղրել է Զելենսկուն
- 14:10Հիմա հավատում ենք, որ Հայաստանի հետ միասին քաղաքական ճանապարհով և կարճ ժամանակում կհասնենք բոլոր նպատակներին. Էմիրբեկով
- 14:10Փաշինյանը Շոլցի հետ հեռախոսազրույցում անընդունելի է համարել Պրահայի, Բրյուսելի և Գրանադայի սկզբունքները աղավաղելու ցանկացած փորձ
17.05.2024 | 11:10
16.05.2024 | 15:10
16.05.2024 | 14:10
16.05.2024 | 12:10
16.05.2024 | 11:10
15.05.2024 | 15:10
15.05.2024 | 14:10
15.05.2024 | 13:10
15.05.2024 | 12:10
15.05.2024 | 11:10
14.05.2024 | 15:10
14.05.2024 | 14:10
14.05.2024 | 13:10
14.05.2024 | 12:10
14.05.2024 | 11:10
13.05.2024 | 14:10
13.05.2024 | 13:10
13.05.2024 | 12:40
13.05.2024 | 12:10
13.05.2024 | 11:06
13.05.2024 | 11:04
11.05.2024 | 15:10
11.05.2024 | 14:10
11.05.2024 | 13:10
11.05.2024 | 12:10
11.05.2024 | 11:10
10.05.2024 | 15:10
10.05.2024 | 14:10
10.05.2024 | 13:10
10.05.2024 | 12:18
10.05.2024 | 12:09
10.05.2024 | 11:23
09.05.2024 | 15:10
09.05.2024 | 14:10
09.05.2024 | 13:10
09.05.2024 | 12:10
09.05.2024 | 11:10
08.05.2024 | 15:10
08.05.2024 | 14:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.