Նախորդ մասն՝ այստեղ

Մաս երրորդ. Պետք է կարողանալ ներել

Իհարկե, այս զույգի կյանքում ևս եղել են դժվար ժամանակներ: ԶԼՄ-ները «ամուսնալուծել են» Անժելիկային և Լեոնիդին՝ նրանց ամուսնության առաջին իսկ օրվանից, սակայն զույգն իսկապես բաժանված եղել է 2011 թվականի օգոստոսին: Այդ ժամանակ «Նոր Ալիք» մրցույթին պապարացիները նկարել էին Լեոնիդին մի անծանոթ երիտասարդ աղջկա հետ: Իհարկե, շշուկները շատ ավելի տպավորիչ էին, քան հենց իրականությունը, սակայն Ագուդինին հաջողվեց վերադարձնել կնոջը:

Իր հարցազրուցներից մեկում, երաժիշտը պատմել է. «Մենք, իհարկե, վիճել ենք, ես երկար ժամանակ ներողություն եմ խնդրել: Կինս վարվեց այնպես, ինչպես կվարվեր ցանկացած մեկը, որը կլիներ նրա փոխարեն. նա վերցրեց իրերը և հեռացավ:Բաժանման փորձերն անհաջողությամբ պսակվեցին. առանց իրար մենք կարողացանք ապրել ընդամենը երկու օր»:

Հետագայում ինքը՝ Վարումը, ի պատասխան լրագրողների հարցերին, նշել է. «Օ՜, ամուսնալուծության մասին ես նույնիսկ չեմ մտածում»:

Երկու տարի առաջ տեղի ունեցած այս դեպքը մնացել է անցյալում. Անժելիկա Վարումը և Լեոնիդ Ագուդինը շարունակում են միասին ապրել և աշխատել: Վերջերս Մոսկվա՝ նրանց այցելության էր եկել իրենց դուստրը՝ Ելիզավետան, որն ապրում է Մայամիում՝   տատիկի և պապիկի հետ: Ի դեպ, Լիզան նույնպես հետաքրքրվում է երաժշտությամբ և մտադիր է գնալ ծնողների ճանապարհով:

Անժելիկայի և Լեոնիդի կյանքում գրեթե տարաձայնություններ չկան, եթե հաշվի չառնենք Ագուդինի հատուկ ոճը, որի դեմ արդեն քանի տարի է պայքարում է Վարումը:

Վերջինիս խոսքով, իրենից 7 տարի պահանջվեց, որպեսզի համոզի ամուսնուն, որ ժամանակն է հրաժարվել երկարաճիտք կոշիկներից, և երկու տարի՝ համոզելու համար, որ ժամանակն է կտրել երկար մազերը.այդ ամենի համար պահանջվեց համբերություն և մեծ ջանքեր:

Լուսանկարում՝ Լեոնիդ Ագուդինի կողքին առաջին կնոջից ունեցած դուստրն է՝ Պոլինան, իսկ Անժելիկայի կողքին՝ զույգի միակ զավակը՝ Ելիզավետան