Սպասարկման ոլորտում, ծառայության մատուցման որակից բացի, կարևորվում է անհատական մոտեցումն ու բարեխիղճ վերաբերմունքը, որը վերաբերվում է նաև ռեստորանային բիզնեսին:
Արարատի մարզում, Երևան-Երասխ ավտոմայրուղի 2ա հասցեում գտնվող «Արարատ» ռեստորանն ու հարսանյաց սրահը գործում է 2010 թվականից՝ տարածաշրջանում վայելելով ամենալավի համբավը: Այստեղ այցելում են նաև հանրապետության այլ բնակավայրերից ու մայրաքաղաքից և դա շնորհիվ սրահի տնօրեն Արտակ Ասատրյանի սկզբունքի՝ հարկավոր է աշխատել բարեխղճորեն՝ ձգտելով առավելագույնին ու ամենալավին:
«Արարատ» համալիրը կառուցել են երեք եղբայրներ՝ նպատակ ունենալով հայրենիքում ծավալել ընտանեկան բիզնես, ստեղծել աշխատատեղեր, ապրել ու աշխատել սեփական սկզբունքներին հավատարիմ: Համալիրի անվանումը խորհրդանշական է. «Ընտրել ենք «Արարատ» անունը, քանի որ դեմ դիմաց Արարատ լեռն է: Շինարարության ընթացքում կառույցի յուրաքանչյուր հատվածի վրա բծախնդրորեն ենք աշխատել, եղել է, որ կառույցի ինչ որ մաս չի գոհացրել, քանդել ենք ու կրկին կառուցել: Մեզ մոտ պատրաստվում են ուտեստներ՝ հոգատարությամբ ու սիրով, իսկ այցելուներն արժանանում են միայն ջերմ վերաբերմունքի», — պատմում է սրահի տնօրեն Արտակ Ասատրյանը:
Այստեղ մատուցվում են հայկական և եվրոպական խոհանոցների ուտեստներ: «Արարատ»-ում կարելի է համտեսել ավանդական թոնրի խորոված, հատուկ բաղադրատոմսով է պատրաստվում «Արարատ» անվանումը կրող աղցանը, իսկ հաճախորդը ցանկացած ժամանակ կարող է պատվիրել որևէ խորտիկ, որն, ըստ տնօրենի, պատրաստվում է արագ, համեղ և մեծ պատրաստակամությամբ:
Արտակ Ասատրյանի սկզբունքներից մեկն էլ աշխատակիցների ճիշտ ընտրությունն է: Կարևորվում է մատուցողների, խոհարարների աշխատանքային փորձը, մաքուր և արագ սպասարկման կուլտուրան, ճշտապահությունն ու ազնվությունը: Ըստ տնօրենի՝ ռեստորանում և հարսանյաց սրահում բացառվում է պատվիրատուին խաբելու կամ վատ սպասարկելու որևէ դեպք, քանի որ անձամբ է հետևում կազմակերպչական աշխատանքներին: Նրա խոսքով՝ այստեղ մարդիկ, անկախ սոցիալական վիճակից և այցելության հաճախականությունից, իրենց զգում են այնպես, ինչպես հայկական հյուրասեր օջախում: Երաժշտության, հաղորդավարների ու երգիչների ընտրությունն «Արարատ»-ում հաճախորդների ճաշակին ու հայեցողությանն են թողնում, որ հնարավորինս գոհ լինեն միջոցառումից: Սպասքի ընտրության հարցում պահանջները կրկին խիստ են՝ պետք է լինի ամենալավն ու շքեղը: Արտակ Ասատրյանը ռեստորանային բիզնեսի կարևոր կետերից է համարում նաև այն, որ այս ոլորտում հարկավոր է անընդհատ ներդրումներ անել և գնային համակարգը հնարավորինս մատչելի դարձնել:
[nggallery id=106]
Մարինե Ամիրյան