«Կատարված փորձաքննության եզրակացությամբ հիմնավորվել է, որ դեպքի վայրում գործածվել է երեք զենք, մեկը Սուրիկ Խաչատրյանի որդի Տիգրան Խաչատրյանի մոտ էր, որից հինգ գնդակ է արձակվել, մյուսը՝ Զարզանդ Նիկողոսյանի մոտ, որից վեց գնդակ է արձակվել, մյուսը՝ Ավետիք Բուդաղյանի մոտ»,- այսօր լրագրողների հետ հանդիպման ժամանակ նշել է ՊՆ քննչական ծառայության պետ Արմեն Հարությունյանը՝ ներկայացնելով Գորիսում հունիսի 1-ին տեղի ունեցած դեպքի վերաբերյալ որոշ մանրամասներ:
«Սուրեն Խաչատրյանին պատկանող զենքը չի գործածվել, և այն օրինական է եղել. միայն ինքնաշեն լինելու հանգամանքով քրեական գործ չի հարուցվում, այն պետք է լինի անօրինական տվյալ անձի մոտ: Այս դեպքում զենքը Սուրիկ Խաչատրյանի անունով է և օրինական ճանապարհով ձեռք բերված»,-նշել է Արմեն Հարությունյանը:
Նրա տեղեկացմամբ, համալիր փորձաքննության եզրակացությունով հիմնավորվել է, որ Արտակ և Ավետիք Բուդաղյանների մարմնի վրա առկա մարմնական վնասվածքները թիկունքից չեն եղել, պատճառվել են միևնույն զենքից՝ Արտակի վնասվածքը և Ավետիքի երկու վնասվածքը ստացվել է Տիգրան Խաչատրյանի կողմից գործածված զենքից, իսկ Ավետիքի մյուս վնասվածքները Զարզանդի զենքից են ստացվել, այլ վնասվածքներ այլ հրազեններից նրանց երկուսի վրա էլ չեն հայտնաբերվել:
Արմեն Հարությունյանը հերքել է նաև Հայկ Ալումյանի այն հայտարարությունը, թե կրակոց է եղել նաև երկրորդ հարկի պատուհանից. «Առանձնատան այն հատվածում, որը հարակից է դեպքի վայրին, պատշգամբ չունի և մեկ հարկանի է, հետևաբար այդ հատվածից չէր էլ կարող լինել կրակոց, այն էլ վերևից: Ինչ վերաբերում է Լորետա Բարսեղյանի կողմից ամուսնուն ուղղված հանդիմանանքին, ապա վերջինիս ցուցմունքի համաձայն՝ ամուսինը քնած է եղել, հետևաբար ոչինչ նրան ասել չէր կարող»:
Անդրադառնալով տեսանյութի մոնտաժված լինելու հանգամանքին, ՊՆ քննչական ծառայության պետը նշել է, որ Սյունիքի նախկին մարզպետի տան մոտ տեղի ունեցած դեպքերը ներկայացնող համացանցում հայտնված տեսանյութը և վարույթն իրականացնող մարմնի ձեռքի տակ եղած տեսանյութերը բովանդակային առումով նույնն են, տարբերությունը, ըստ նրա, ժամանակային տևողության մեջ է։
Արմեն Հարությունյանի խոսքով, նախաքննության մարմնի վրա ճնշումներ չեն եղել, և քրեական հետապնդումը դադարեցնելու որոշումը ճնշումների հետևանք չէ:
Ինչ վերաբերում է Տիգրան Խաչատրյանի կողմից թմրանյութ, իսկ Բուդաղյանների կողմից ալկոհոլ օգտագործելուն, Քննչականի պետը նշել է, որ Արտակ Բուդաղյանից և Ավետիք Բուդաղյանից վերցրած արյան նմուշներում հայտնաբերվել է ալկոհոլ, իսկ Տիգրան Խաչատրյանի մեզից և մազից վերցրած անալիզներում հայտնաբերվել են թմրանյութեր, բայց ասել՝ դրա ազդեցության տա՞կ է եղել դեպքը, թե՞ ոչ, հնարավոր չէ, քանի որ մազի միջից թմրանյութի պարունակությունը երբեք չի անցնում, իսկ մեզի մեջ պահպանվում է 36 օր:
- 15:10ԱՄՆ-ից առաքանու միջոցով թմրամիջոց է ներմուծվել Հայաստան
- 11:10«Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանին օդանավակայանում փորձել են թալանել
- 15:10Մի շարք ոստիկաններ նույնիսկ անչափահասների ծնողների uպառնացել են, որ կզրկեն ծնողական իրավունքներից․ փաստաբան
- 15:10Արտառոց դեպք՝ Երևանում. Մալաթիայում գործող «Սուրբ Աստվածածին» եկեղեցու բակում հայտնաբերվել է 5 օրական երեխա
- 14:10Շտապօգնության տնօրենը պարզաբանում է բուժակի հետ կապված միջադեպը
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով