Քաղաքապետարանի դիմաց ակտիվիստները փորձում են վրան տեղադրել՝ նստացույց անողների համար, սակայն նրանց գործողություններին խոչընդոտում է Երևանի փոխոստիկանապետ Վալերի Օսիպյանը՝ պնդելով, որ նրանք իրավունք չունեն առանց լիազոր մարմնի թույլտվության վրան տեղադրել:

Ցուցարարները Քաղաքապետարանին հարակից խոտածածկ տարածքում գունավոր թղթերից փոքրիկ վրաններ են շարել, իսկ ակտիվիստուհիներից մեկի ձեռքում գրված է «Վրանենք Երևանի քաղաքապետարանը»։
——————-

Քիչ առաջ Արգիշտի Կիվիրյանին բերման են ենթարկել ոստիկանություն: Երևանի փոխոստիկանապետ Վալերի Օսիպյանի խոսքով,  Արգիշտին չի ենթարկվել ոստիկանների պահանջներին ու ապօրինի կոչեր է հնչեցրել:

Իսկ  քաղաքացիներից մեկի ինքնազգացողությունն էլ  վատացել է:

—————-

Ակտիվիստներն այս պահին պատրաստվում են շարժվել Երևանի Կենտրոնի ոստիկանության բաժին, քանի որ Արգիշտի Կիվիրյանին ապօրինի առևանգել են:

——————-

Ոստիկանության Կենտրոնի բաժանմունքի մոտ է նաև ԱԺ պատգամավոր Նիկոլ Փաշինյանը, որը  լրագրողների հետ զրույցում նշել է, որ Արգիշտի Կիվիրյանին Ոստիկանություն տեղափոխել են ոստիկաններին դիմադրություն ցույց տալու հիմքով և պետք է ենթարկեն վարչական պատասխանատվության:

Նիկոլ Փաշինյանի խոսքով, նրան բաց կթողնեն 3 ժամը լրանալուց հետո։  Սակայն ակտիվիստները պնդում են, որ  ժամային խախտում կա և Կիվիրյանին այժմ արդեն պետք է ազատ արձակած լինեին, քանի որ Ոստիկանությունում նրա մուտք գործելու պահը կես ժամ սխալ է գրվել։

————

Արգիշտի Կիվիրյանին ազատ են արձակել: Նա նշել է, որ ոչ մի փաստաթուղթ չի ստորագրել և չի ընդունել իրեն ուղղված մեղադրանքները։

Կիվիրյանի խոսքով, ինքը պահանջելու է, որ իր նկատմամբ անօրինական գործողություններ, բռնություն կատարած բոլոր անձինք ենթարկվեն քրեական պատասխանատվության։ Ոստիկանությունում արդեն որոշվել է նշանակել դատաբժշկական փորձաքննություն։

Ուղիղ մաիցումը՝ civilnet.am-ի