Սերը դեպի քեզ նման է բումերանգի

Մի անգամ դերասանուհին անկեղծացել է, որ հպարտանում է իր տարիքով և ի հայտ եկած կնճիռներով. «Երբ նոր-նոր 30 տարեկան դարձած կանանցից լսում եմ, որ նրանք անհանգստանում են իրենց տարիքի համար, ինձ մոտ ցանկություն է առաջանում  գնալ և ապտակել նրանց»,-ասել է Կրուզն ու հավելել. «Երբ ես կլինեմ 80 տարեկան, ես կցանկանամ հայելու մեջ տեսնել տարիքին համապատասխան կնոջ արտացոլումը: Իմ տատիկը շատ կնճիռներ է ունեցել, և նրանցից յուրաքանչյուրն ունի իր պատմությունը: Ինձ չի վախեցնում այն հանգամանքը, որ ամեն տարիքն ազդում է իմ տեսքի վրա: Ես չեմ քննադատում նրանց, որոնք պլաստիկ վիրահատություն են անում, սակայն չեմ հանդուրժում այն կանանց, որոնք բողոքում են իրենց տարիքից»:

Շատ կարևոր է, որ քեզ ընդունես և սիրես այնպես, ինչպիսին կաս՝ քո կնճիռներով,  ցելյուլիտով: Աշխատանքից հետո պառկես բազմոցին, և ոչ թե վազես մարզասրահ: Ոչ միշտ է, որ մարդիկ պահանջում կամ ակնկալում են դիմացինից՝ ընդունել իրենց այնպիսին, ինչպիսին կան: Բայց էլ ինչ  սիրո մասին է խոսքը,  եթե դու չես կարող ընդունել ինքնդ քեզ: «Ես չեմ վախենում աշխատավայրում տգեղ երևալուց, այդ իսկ պատճառով երբեմն ցանկություն եմ հայտնում տեսանելի բեղ կամ սևացած աչքեր անել, եթե ասեն կախարդ եմ, ուրեմն կախարդ եմ»,-անկեղծանում է դերասանուհին:

Այսպիսով, 30 տարեկանում ափսոսում ես, որ այլևս չես լինի 20 տարեկան, 40-ում՝ 30, և այդպես շարունակ: Պենելոպա Կրուզի կարծիքով, պետք է գնահատել և սիրել քեզ այնպիսին, ինչպիսին կաս: « Նա ամենազարմանալի ստեղծագործությունն է, որին ես երբևէ հանդիպել եմ»,-իր կնոջ մասին այսպես է արտահայտվել Խավիեր Բարդեմը, որը կարող էր ընտրել ցանկացած աստղի, սակայն նա նախընտրեց ոչ այնքան երիտասարդ, սակայն իր արժեքը շատ լավ իմացող Պենելոպա Կրուզին: