NetIndex ընկերությունը հրապարակել է Ինտերնետի արագության վարկանիշային աղյուսակը. 182 երկրների շարքում Հայաստանը զբաղեցնում է 79-րդ տեղը՝ արձանագրելով 7.23 մեգաբիթ/վայրկյան ցուցանիշ։

Ռուսաստանը գտնվում է 26-րդ հորիզոնականում (19.15 մեգաբիթ/ վայրկյան), Վրաստանը՝ 52-րդ (12.18մ մեգաբիթ/վայրկյան), Թուրքիան՝ 68-րդ (8.17 մեգաբիթ/ վայրկյան), Ադրբեջանը՝ 119-րդ (4.06 մեգաբիթ/վայրկյան), Իրանը՝ 163-րդ տեղում (2.17 մեգաբիթ/վայրկյան)։

Առաջին տեղը զբաղեցնում է Հոնգկոնգը` 46.54 Մբիթ/վ, նրան հաջորդում են Լիտվան` 37.82 Մբիթ/վ, և Թայվանը` 36.78 Մբիթ/վ:

Աշխարհի ամենաարագ ինտերնետն ունեցող երկրների լավագույն տասնյակում են հայտնվել նաև Անդորան (35.41 մեգաբիթ/վայրկյան), Լյուքսեմբուրգը (34.01 մեգաբիթ/վայրկյան), Նիդեռլանդները (32.47 մեգաբիթ/վայրկյան), Հարավային Կորեան (32.12 մեգաբիթ/վայրկյան), Շվեդիան (31.24 մեգաբիթ/վայրկյան), Սինգապուրը (30.84 մեգաբիթ/վայրկյան) և Ճապոնիան (30.70 մեգաբիթ/վայրկյան)։