ՀՀ պաշտպանության նախարարությունը խորը վշտով տեղեկացնում է, որ 67 տարեկան հասակում կյանքից հեռացել է ՀՀ պաշտպանության նախարարին առընթեր բարձրագույն սպայական հանձնաժողովի նախագահ, պահեստազորի գեներալ-լեյտենանտ Ստեփան Վահանի Միրզոյանը: Այս մասին նշված է ՊՆ տեղեկատվության և հասարակայնության հետ կապերի վարչության տարածած հաղորդագրությունում։
Ստեփան Միրզոյանը ծնվել է 1945թ. նոյեմբերի 8-ին Երևան քաղաքում: 1964թ. զորակոչվել է խորհրդային բանակ: 1968թ. ավարտել է Բաքվի համազորային բարձրագույն ուսումնարանը: 1974թ. Ստեփան Միրզոյանն արդեն Մոսկվայի Ֆրունզեի անվան զինվորական ակադեմիայի ունկնդիր էր, ավարտելուց հետո, որդպես գնդի շտաբի պետ, գործուղվել է Միջնասիական զինօկրուգ: 1979-1984թթ. զբաղեցրել է մի շարք հրամանատարական պաշտոններ ԽՍՀՄ զինված ուժերում, 1984թ. նշանակվել է Պանֆիլովյան դիվիզիայի շտաբի պետ և որպես ազգային դիվիզիայի հրամանատարի խորհրդատու՝ զինծառայության է գործուղվել Աֆղանստան:
1990թ. անձնական խնդրանքով տեղափոխվել է Հայաստանի Հանրապետություն և նշանակվել է Հանրապետական զինկոմիսարիատում՝ որպես զորահավաքային բաժնի պետ-զինկոմի տեղակալ: Ստեփան Միրզոյանը ակտիվ մասնակցություն է ունեցել նաև Արցախյան պատերազմին, նշանակալի է եղել նրա ներդրումը ՀՀ սահմանների ինքնապաշտպանության և հայոց նորաստեղծ բանակի կազմավորման և կայացման գործում: 1994թ. նշանակվել է ՀՀ ՊՆ կադրերի վարչության պետ, իսկ 1997թ.՝ 3-րդ բանակային կորպուսի հրամանատար: 2000-2007թթ. զբաղեցրել է Վ.Սարգսյանի անվան ռազմական ինստիտուտի պետի պաշտոնը:
Պարգևատրվել է ԽՍՀՄ, ՀՀ և Աֆղանստանի պետական շքանշաններով ու բազմաթիվ գերատեսչական մեդալներով, ինչպես նաև պատվոգրերով, շնորահակալագրերով և թանկարժեք նվերներով, անվանական զենքով: Ամուսնացած էր, ուներ 2 որդի:
Ստեփան Վահանի Միրզոյանի հոգեհանգստի արարողությունը տեղի կունենա մայիսի 20-ին՝ ժամը 18:00-ին, գյուղ Այնթափում՝ 11-րդ փողոց, տուն 33: Հուղարկավորությունը՝ մայիսի 21-ին՝ ժամը 14:00-ին, նույն հասցեից:
ՀՀ պաշտպանության նախարարությունը ցավակցում է Ստեփան Վահանի Միրզոյանի ընտանիքի անդամներին և հարազատներին:
- 13:05FOTON աշխարհահռչակ մակնիշի մեքենաների վաճառքը` Հայաստանում
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին