Վերջերս վերահրատարակվել է ներկայիս Հռոմի Պապ Ֆրանցիսկոսի և Արգենտինայի գլխավոր փաբբի Աբրահամ Սկորկայի համահեղինակությամբ 2010-ին տպագրված «Երկնքում և երկրում» գիրքը, որտեղ խոսվում է այնպիսի թեմաների մասին, ինչպիսիք են աբորտը, աթեիզմը, կապիտալիզմը, կրոնը, Հրեական ողջակիզումը:

Գրքի «Կրոններ» բաժնում Պապը գրել է. «20-րդ դարում իրենց աստվածներ համարողները հիմնահատակ կործանել են գյուղական բնակավայրերը: Թուրքերը դա արել են հայերի, նացիստները հրեաների, ստալինյան կոմունիստներն ուկրաինացիների նկատմամբ: Մարդկանց սպանելու համար օգտագործել են աստվածային թեմաների մեկնաբանություններ»:

«Հոլոքոստի մասին» բաժնում գրել է. «Մեծ տերությունները «լվացել են ձեռքերը» և ուրիշ կողմ են նայել, քանի որ ավելի շատ բան են իմացել, քան խոսել են, ինչպես են նրանք Հայոց ցեղասպանության ժամանակ «լվացել ձեռքերը»: Այդ ժամանակ Օսմանյան կայրությունը հզոր էր, աշխարհը պատերազմի շեմին էր և ուրիշ կողմ էր նայում»:

Ինչպես հայտնում է «Ermenihaber»-ը, այս գրքի վերահրապարակումը թուրքական մամուլում դիտվել է որպես թուրք ժողովրդի դեմ ուղղված ծանր վիրավորանք: Լրատվամիջոցներին անհանգստացրել է հատկապես այն հանգամանքը, որ Պապը Հայոց ցեղասպանությունը համեմատել է հրեականի` Հոլոքոսթի, իսկ թուրքերին` նացիստների հետ: