Հռոմի պապ Ֆրանցիսկոսը՝ կարդինալ Խորխե Մարիո Բերգոլիոն, ինչպես նաև արգենտինացի րաբբունի Աբրահամ Սկորկան «Երկնքի և երկրի մասին» վերնագրով գիրք վերահրատարակվել է: Գրքում քննարկվել են այնպիսի թեմաներ, ինչպիսիք են կրոնը, աթեիզմը, մահը, աբորտը, Հոլոքոստը, նույնասեռականությունը և կապիտալիզմը, հայտնում արգենտինական «Diario Armenia»-ն:

«Կրոնների մասին» հատվածում Բերգոլիոն գրել է. «20-րդ դարում նրանք հիմնովին քանդել են գյուղեր, քանի որ իրենց աստվածներ են համարել: Թուրքերը դա արել են հայերի հետ, գերմանացիները` հրեաների: Նրանք մարդկանց սպանելու համար օգտագործել են աստվածային ատրիբուտների մասին քննարկումները»:

«Հոլոքոստի մասին» բաժնում կարդինալ Բերգոլիոն գրել է. «Մեծ տերությունները «լվացել են ձեռքերը» և ուրիշ կողմ են նայել, քանի որ ավելի շատ բան են իմացել, քան խոսել են, ինչպես են նրանք Հայոց ցեղասպանության ժամանակ «լվացել ձեռքերը»: Այդ ժամանակ Օսմանյան կայրությունը հզոր էր, աշխարհը պատերազմի շեմին էր և ուրիշ կողմ էր նայում»:

«Կոմունիզմի և կապիտալիզմի մասին» բաժնում Խորխե Մարիո Բերգոլիոն ընդգծել է. «Եթե մարդը դրախտի մասին մտածելով չի պայքարում իր իրավունքների համար, նա իսկապես գտնվում է օփիումի ազդեցության տակ: Մարդիկ, ովքեր ենթարկվել են  հետապնդման և կոտորածի, ինչպես անցած դարի երեք խոշոր ցեղասպանությունների ժամանակ` հայերի, հրեաների և ուկրաինացիների, պայքարել են իրենց ազատության համար»: