«Վարկածի տաղավարում» հաղորդաշարի հյուրն է Ահարոն Ադիբեկյանը

 -Պարոն Ադիբեկյան, Դուք դիտարկել եք նաև 2009 թվականի ավագանու ընտրությունները, անշուշտ, այդ և այս ընտրություններն ունեն ընդհանրություններ, նաև առանձնահատկություններ, ո՞րն է այս ընտրությունների առանձնահատկություները:

-Նախագահական նախորդ ընտրությունները, գիտեք, մարտյան իրադարձություններով ավարտվեցին, ու մտավախություն կար, որ դա կարող է բացասաբար ազդել ընտրողների ակտիվության և նախապատվության վրա, բայց դա տեղի չունեցավ: Հիմնականում պայքարը գնում էր Հանրապետական, «Բարգավաճ Հայաստան» կուսակցությունների և ՀԱԿ-ի ներկայացուցիչների միջև: Առավելագույն ձայները Հանրապետականը ստացավ՝ 40%-ից ավել, և դարձավ մեծամասնություն, ԲՀԿ-ն մնաց որպես փոքր պարտնյոր, և քանի որ կոալիցիայից դուրս էր եկել, ուրեմն` դա խնդիր էր, որ նա նորից կոալիցիա չի մտնի և հանդես կգա երկրորդ դերակատարությամբ: ՀԱԿ-ը մերժողական դիրք ընդունեց, չմասնակցեց Ավագանու աշխատանքներին: Փաստորեն՝ մենք ունեցանք երկկուսակցական ավագանի:

Այս ընտրությունները հետաքրքիր են նրանով, որ նախագահական ընտրություններում բոյկոտ տեղի ունեցավ և պարզ չէ, թե ավագանուն մասնակցող բոլոր քաղաքական ուժերի ելակետային վարկանիշները պահպանվել են, թե՝ փոփոխվել: Եվ հնարավո՞ր է՝ 37% հավաքած «Ժառանգությունը» պահպանի իր էլեկտորատը ավագանու ընտրություններում, քանի որ մենք արդեն գիտենք, որ նրա էլեկտորատը գումարված էր ԲՀԿ-ի, ՀՅԴ-ի, մասամբ՝ ՕԵԿ-ի և Հանրապետականի ձայներին: Մեր հարցումներից զգացինք, որ 37%-ից, մոտ 27%-ը հետ են կանգնել: Եվ այսօր «Ժառանգությունը» գտնվում է 8%-ի շեմի վրա: Այնպես որ նրանց՝ ավագանու անցնելը մնում է հարցականի տակ, և նրանց հայտարարությունը, թե իրենք շարունակում են հաղթահարշավը՝ կասկածի տակ է:

Հարցազրուցն ամբողջությամբ՝ տեսանյութում.