Ամեն մարդ իր ներաշխարհում ունի այդ վեհ զգացումը՝ հայրենասիրությունը, և անքակտելի կապով միացած է հայրենիքին: Եվ, ցավոք, մեր հայ ազգի ճակատագիրն այնպես դասավորվեց, որ շատերը՝  լքելով հայրենիքը, ապաստան գտան օտար հողերում: Սակայն դա չի նշանակում, որ կտրեցին իրենց հոգևոր կապը հայրենիքից: Յուրաքանչյուրն է զգում իր արյունակցական կապը հայրենիքի հետ:

Չկա գրող, և չկա երաժիշտ, որ հայրենիքին ձոնած ստեղծագործություն չունենա:

Այսպես, ձեզ ենք ներկայացնում հանրահայտ մտածողների հայրենասիրական ասույթներից.

1. Մեր երկրից բացի աշխարհում շատ կան ամեն տեսակի պետություններ և երկրներ, բայց մարդ միայն մեկ հարազատ մայր ունի, մեկն է նաև նրա հայրենիքը: Կ. Դ. Ուշինսկի

2. Կա հանցագործություն, որը չեն ներում,-դա հայրենիքին դավաճանելն է: Պ. Բուաստ

3.Եղիր քո հայրենիքի զավակը, խորապես զգա քո կապը հարազատ հողին, որդիաբար վերաբերվիր նրան, հարյուրապատիկ վերադարձրու այն, ինչ ստացել ես նրանից:  Կ. Դ. Ուշինսկի

4.Առաքինության ամենամեծ սխրանքները կատարվել են հայրենիքի հանդեպ ունեցած սիրուց: Ժ. Ժ. Ռուսո

5. Հայրենիքի համար առանց օգուտի ապրած օրը ես բոլորովին ջնջում եմ կյանքից: Մ. Սալմոն

6. Հայրենիքի նկատմամբ սերը պետք է բխի մարդկության հանդեպ սիրուց, ինչպես մասնավորն ընդհանուրից: Վ. Գ. Բելինսկի

7.Մի խորշեք ձերինից, բայց և սովորեք օտարից, եթե նա դրան արժանի է:  Տ. Գ. Շևչենկո

8. Ոչ այնքան  վաղուց հայրենասիրությունն այն ամեն լավի փառաբանում էր, որ կա հայրենիքում. այժմ  դա արդեն բավական չէ հայրենասեր լինելու համար: Այժմ ամեն մի լավի փառաբանմանն ավելացել է դեռևս մեզ մոտ առկա ամեն մի վատի անողոք պարսավումը և հետապնդումը: Ն. Ա Դոբրոլյուբով

9. Հայրենասիրությունը, ում մոտ էլ որ նա լինի, ապացուցվում է ոչ թե խոսքով, այլ գործով: Վ. Գ. Բելինսկի

10. Հայրենասիրություն չի նշանակում միայն սիրել իր հայրենիքը: Դա անհամեմատ ավելի շատ բան է… Դա հայրենիքից իր անբաժանելիության գիտակցումն է և նրա երջանիկ ու դժբախտ օրերը նրա հետ միասին անբաժանելիորեն վերապրելը: Ա. Ն. Տոլստոյ